fbpx
Þriðjudagur 09.ágúst 2022
Pressan

Tyrkir segja sig frá Istanbúlsáttmálanum um ofbeldi gagnvart konum

Kristján Kristjánsson
Mánudaginn 22. mars 2021 07:00

Erdoğan, Tyrklandsforseti.

Ekki missa af Helstu tíðindum dagsins í pósthólfið þitt

Lesa nánar

Recep Tayyip Erdogan, forseti Tyrklands, tilkynnti á laugardaginn að Tyrkir hafi sagt sig frá hinum svokallaða Istanbúlsáttmála sem er alþjóðlegur sáttmáli sem er ætlað að vernda konur gegn heimilisofbeldi.

CNN skýrir frá þessu og segir að tilkynningin hafi valdið miklum áhyggjum í Tyrklandi en heimilisofbeldi og annað ofbeldi gagnvart konum er algengt þar í landi.

Tyrkland var fyrsta ríkið til að skrifa undir sáttmála Evrópuráðsins um vernd og baráttu gegn heimilisofbeldi og öðru ofbeldi gagnvart konum 2011. Istanbúlsáttmálinn snýst um að koma í veg fyrir ofbeldi gagnvart konum, þar á meðal heimilisofbeldi og binda enda á refsileysi gerendanna.

Ekki er ljóst af hverju Erdogan ákvað að segja Tyrki frá sáttmálanum en tyrknesk mannréttindasamtök hafa gagnrýnt ákvörðunina en íhaldsmenn segja að sáttmálinn skaði fjölskyldugildi.

Almenn umræða um sáttmálann fór á fullt í ágúst þegar trúarhópar og hópar íhaldsmanna byrjuðu ákafar herferðir gegn sáttmálanum og sögðu hann skaða fjölskyldugildi og vera hinsegin fólki til framdráttar.

Talsmenn Erdogan hafa sagt að það að Tyrkir hafi sagt sig frá sáttmálanum þýði ekki að slakað verði á reglum hvað varðar heimilisofbeldi og réttindi kvenna.

Stjórnarandstaðan segir að ákvörðunin sé tilraun Erdogan og stjórnar hans til að „gera konur að annars flokks þjóðfélagsþegnum“ og hét því að Tyrkland gerist aftur aðili að sáttmálanum.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 3 dögum

Lík eiginmannsins í baðkarinu og elskhuginn í skápnum

Lík eiginmannsins í baðkarinu og elskhuginn í skápnum
Pressan
Fyrir 3 dögum

14 látnir í eldsvoða á skemmtistað

14 látnir í eldsvoða á skemmtistað