fbpx
Mánudagur 17.janúar 2022
Pressan

Segir að Omikronafbrigðið geti í raun verið góð tíðindi

Kristján Kristjánsson
Mánudaginn 29. nóvember 2021 07:00

Kórónuveira. Mynd:Getty

Ekki missa af Helstu tíðindum dagsins í pósthólfið þitt

Lesa nánar

Mörg Evrópuríki hafa hert reglur um komur fólks til landsins ef það er að koma frá sunnanverðri Afríku. Einnig var skýrt frá því í morgun að japönsk stjórnvöld ætli að loka landinu alveg. Þetta er gert í kjölfar þess að Omikronafbrigði kórónuveirunnar uppgötvaðist í Suður-Afríku. Afbrigðið er talið mun meira smitandi en hið ráðandi Deltaafbrigði. Þetta hljómar ekki vel en þarf samt sem áður ekki að vera slæmt.

Það hefur Norska ríkisútvarpið eftir Rostrup Nakstad, aðstoðarforstjóra hjá norska landlæknisembættinu. „Það besta sem getur gerst núna er að Omikronafbrigðið reynist valda vægari veikindum og að bóluefni virki á það,“ sagði hann. Hann sagði einnig að þrátt fyrir að afbrigðið sé meira smitandi en önnur afbrigði þá ráði Norðmenn við þann þátt vegna mikillar þátttöku í bólusetningum ef bóluefni virka gegn afbrigðinu.

Þar sem afbrigðið er svo nýuppgötvað er margt enn óljóst um eiginleika þess en enn sem komið er segja sérfræðingar að upplýsingar frá Suður-Afríku bendi til að afbrigðið valdi mjög vægum sjúkdómseinkennum. Þar er það aðallega yngra fólk sem hefur smitast af afbrigðinu.

En ef rétt reynist að afbrigðið valdi vægari sjúkdómseinkennum en önnur afbrigði veirunnar þá ætti það að hafa í för með sér að færri þurfi að leggjast inn á sjúkrahús. Með því væri hægt að „láta“ fleiri smitast til að auka hjarðónæmið en þetta er þó háð því að Omikron veiti ónæmi gegn öðrum afbrigðum veirunnar.

„Sumir hafa sagt að afbrigðið valdi mjög vægum sjúkdómseinkennum. Það getur valdið víðtæku hjarðónæmi og ef það veldur ekki alvarlegum veikindum er hægt að ná hjarðónæmi án þess að íþyngja heilbrigðiskerfinu og án þess að fólk verði alvarlega veikt. Það er óskastaðan varðandi þetta afbrigði,“ sagði Ernst Kristian Rødland, hjá norsku lýðheilsustofnuninni.

Nú þegar er unnið að rannsóknum á virkni bóluefna gegn afbrigðinu. BioNTech, sem þróaði bóluefnið sem er kennt við Pfizer, segir að reiknað sé með að niðurstaða um virkni bóluefnisins gegn afbrigðinu muni liggja fyrri eftir tvær vikur í síðasta lagi. Ef það þarf að breyta því til að það virki gegn afbrigðinu á það að vera hægt innan sex vikna.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Frakkar banna sölu á ávöxtum og grænmeti í plasti

Frakkar banna sölu á ávöxtum og grænmeti í plasti
Pressan
Í gær

Lögreglumönnunum brá mikið þegar þeir opnuðu kassann – „Eitt það klikkaðasta sem ég hef upplifað“

Lögreglumönnunum brá mikið þegar þeir opnuðu kassann – „Eitt það klikkaðasta sem ég hef upplifað“
Pressan
Fyrir 2 dögum

Auknar njósnir erlendra ríkja í Danmörku – Kína og Rússland nefnd sérstaklega til sögunnar

Auknar njósnir erlendra ríkja í Danmörku – Kína og Rússland nefnd sérstaklega til sögunnar
Pressan
Fyrir 2 dögum

Meiri líkur á að konur deyi á skurðarborðinu ef skurðlæknirinn er karl

Meiri líkur á að konur deyi á skurðarborðinu ef skurðlæknirinn er karl
Pressan
Fyrir 3 dögum

Nauðgaði eftir Tinder-stefnumót og sendi hræðileg skilaboð til fórnarlambs

Nauðgaði eftir Tinder-stefnumót og sendi hræðileg skilaboð til fórnarlambs
Pressan
Fyrir 4 dögum

Fékk óvæntan laumufarþega í eyrað eftir sundferð – „Það var kakkalakkinn að hreyfa sig í hausnum á mér“

Fékk óvæntan laumufarþega í eyrað eftir sundferð – „Það var kakkalakkinn að hreyfa sig í hausnum á mér“
Pressan
Fyrir 4 dögum

Ný rannsókn – 90% minni líkur á að látast af völdum Ómíkron en Deltaafbrigðinu

Ný rannsókn – 90% minni líkur á að látast af völdum Ómíkron en Deltaafbrigðinu
Pressan
Fyrir 4 dögum

Fór á blint stefnumót og hefur ekki komist heim í viku vegna sóttvarnaaðgerða

Fór á blint stefnumót og hefur ekki komist heim í viku vegna sóttvarnaaðgerða