Óhætt er að segja að Shannon Brown hafi orðið mjög hissa þegar hún fékk náttfötin sem hún hafði pantað sér í vefverslun. Henni leist vel á svart/hvíta munstrið á þeim og ákvað því að kaupa þau. En þegar hún fékk fötin sá hún að munstrið var ekki eins og hún hafði ímyndað sér.

Um erótískt munstur var að ræða en á því sést nakið fólk stunda kynlíf úti í náttúrunni. Slíkar myndir þekja fötin.

Eins og svo algengt er þá stóðst hún ekki mátið og myndaði náttfötin og birti myndirnar á samfélagsmiðlum og við þær skrifaði hún: „Þegar þú kaupir náttföt frá Ann Summers af því að þér finnst munstrið fallegt en áttar þig síðan á að það er fólk að ríða á náttfötunum þínum.“

Þetta gerðist raunar fyrir um fimm árum en nýlega fór færsla hennar aftur á flug á samfélagsmiðlum enda er þetta ansi spaugilegt.