fbpx
Fimmtudagur 06.ágúst 2020
Pressan

Merci! Macron þakkar heilbrigðisstarfsfólki fyrir framlag þeirra með 1.200 milljörðum

Kristján Kristjánsson
Fimmtudaginn 16. júlí 2020 11:10

Franskt heilbrigðisstarfsfólk hyllt með flugsýningu. EPA-EFE/CHRISTOPHE PETIT TESSON

Ekki missa af Helstu tíðindum dagsins í pósthólfið þitt

Lesa nánar

Milljörðum króna verður varið í launahækkanir til franskra hjúkrunarfræðinga og sjúkraliða, einnig var heilbrigðisstarfsfólk hyllt í höfuðborg Frakklands á þjóðhátíðardaginn. Þetta er „merci beaucoup” sem ekki bara heyrist, það mun einnig hafa áhrif á bankabókina.

Franskir hjúkrunarfræðingar og sjúkraliðar munu fá launahækkun sem nemur um 30.000 íslenskum krónum á mánuði að meðaltali. Franska ríkisstjórnin og fjölmörg verkalýðsfélög, gerðu með sér samning um að veita yfir 1.200 milljörðum króna til þessa málefnis.

Samningurinn nær einnig til lækna sem vinna fullt starf í opinbera geiranum, markmið yfirvalda er að halda í lækna, en læknar sem starfa í einkageiranum hafa mun hærri laun en þeir sem starfa hjá hinu opinbera.

Þegar kórónuveirufaraldurinn stóð sem hæst í Frakklandi, í mars og apríl, hylltu íbúar landsins heilbrigðisstarfsfólk á hverju kvöldi, með lófaklappi frá svölum, gluggum og görðum.

Með þessum nýja samningi fær franskt heilbrigðisstarfsfólk einnig „merci“, fyrir framlag sitt í kórónuveirufaraldrinum, í formi peninga, en  fram til þessa hafa um 30.000 Frakkar látist af völdum COVID-19.

Heilbrigðisstarfsfólki fagnað á þjóðhátíðardaginn

Franska ríkisstjórnin ákvað einnig að á Bastilludaginn, þjóðhátíðardegi Frakka, yrði heilbrigðisstarfsfólk hyllt. 1.400 manns, sem komu að því að halda samfélaginu gangandi, voru heiðursgestir á Concordetorginu í París á þjóðhátíðardaginn og slógust þar í hóp Macron og ráðherra ríkisstjórnarinnar. Meðal þessara 1.400 gesta var heilbrigðisstarfsfólk, útfararstjórar, starfsfólk verslana og starfsfólk verksmiðja sem meðal annars framleiddu grímur.

Þrátt fyrir launahækkanir og hyllingu á þjóðhátíðardaginn, eru ekki öll verkalýðsfélög ánægð með samninginn. Það voru því bæði lófaklapp og mótmæli í höfuðborginni á þjóðhátíðardaginn.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Í vikunni

Pressan
Í gær

Græðgin varð þeim að falli

Græðgin varð þeim að falli
Pressan
Í gær

19 fangar eru látnir úr COVID-19 og rúmlega helmingur smitaður í San Quentin-fangelsinu

19 fangar eru látnir úr COVID-19 og rúmlega helmingur smitaður í San Quentin-fangelsinu
Pressan
Fyrir 4 dögum

Myndband með grunuðum morðingja Madeleine vekur óhug en þykir upplýsandi

Myndband með grunuðum morðingja Madeleine vekur óhug en þykir upplýsandi
Pressan
Fyrir 4 dögum

Tölvupóstar koma Zuckerberg í vanda – Sýna tilganginn með kaupunum á Instagram

Tölvupóstar koma Zuckerberg í vanda – Sýna tilganginn með kaupunum á Instagram
Pressan
Fyrir 5 dögum

Ungir piltar brutust inn til að stela flöskum – Húsráðandinn lá dáinn í húsinu

Ungir piltar brutust inn til að stela flöskum – Húsráðandinn lá dáinn í húsinu
Pressan
Fyrir 5 dögum

Mesti samdráttur bandaríska hagkerfisins í 70 ár

Mesti samdráttur bandaríska hagkerfisins í 70 ár