fbpx
Fimmtudagur 16.júlí 2020
Pressan

Bretar vilja veita þremur milljónum Hong Kong-búa ríkisborgararétt

Kristján Kristjánsson
Fimmtudaginn 4. júní 2020 19:00

Boris Johnson með breskt vegabréf.

Ekki missa af Helstu tíðindum dagsins í pósthólfið þitt

Lesa nánar

Dominic Raab, utanríkisráðherra Bretlands, sagði fyrir helgi að Bretar muni halda áfram að verja réttindi íbúa í Hong Kong fyrir Kína. Bretar eru af þeim sökum reiðubúnir til að veita tæplega þremur milljónum Hong Kong-búa breskan ríkisborgararétt. Þetta er svar Breta við fyrirætlunum kínverskra stjórnvalda um að lögleiða ný öryggislög í Hong Kong sem var áður bresk nýlenda.

Á fimmtudaginn sagði Raab að Bretar væru reiðubúnir til að veita 300.000 Hong Kong-búum breskan ríkisborgararétt. Á föstudaginn sagði breska innanríkisráðuneytið að tilboðið myndi gilda fyrir alla þá sem bjuggu í Hong Kong fyrir 1997 og eru með bresk vegabréf. Þetta eru mun fleiri en þeir 300.000 sem Raab ræddi um því þetta gildir um 2,9 milljónir Hong Kong-búa að sögn breska innanríkisráðuneytisins.

Priti Patel, innanríkisráðherra, sagði að ef Kínverjar láta verða af því að láta þessi lög taka gildi muni bresk stjórnvöld kanna möguleikann á að heimila öllum þeim sem eru með bresk nýlenduvegabréf að sækja um heimild til að vera í Bretlandi og hefja þannig vegferðina að breskum ríkisborgararétti.

„Við munum halda áfram að verja réttindi og frelsi íbúa í Hong Kong.“

Þingið í Peking samþykkti á fimmtudaginn ný öryggislög fyrir Hong Kong sem eiga að sögn kínverskra yfirvalda að taka á „öllum því er ógnar þjóðaröryggi alvarlega“ í Hong Kong. Lögin fóru ekki fyrir þing Hong Kong og því eru kínversk stjórnvöld að grípa fram fyrir hendur þings Hong Kong en mótmælendur hafa mánuðum saman mótmælt skerðingu lýðræðis í ríkinu. Hong Kong hefur notið sjálfsstjórnar upp að vissu marki og almenningur hefur meiri lýðræðisleg réttindi þar en annarsstaðar í Kína en nú er kommúnistaflokkurinn að herða tök sín á landinu.

Hong Kong fékk sérstaka stöðu innan Kína samkvæmt samningi Kínverja og Breta um yfirtöku Kína á Hong Kong 1997. Sú sérstaka staða átti að gilda í 50 ár en margir telja að nú séu Kínverjar að ganga á bak orða sinna.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Í vikunni

Pressan
Í gær

American Airlines íhugar að hætta við kaup á Boeing 737 Max

American Airlines íhugar að hætta við kaup á Boeing 737 Max
Í gær

Verð á maðki niður úr öllu valdi

Verð á maðki niður úr öllu valdi
Pressan
Í gær

Tifandi tímasprengja undir Andrew prins

Tifandi tímasprengja undir Andrew prins
Pressan
Í gær

Tveir létust þegar maður féll af sjöundu hæð hótels og lenti á manni á gangstéttinni

Tveir létust þegar maður féll af sjöundu hæð hótels og lenti á manni á gangstéttinni
Pressan
Fyrir 3 dögum

Krufningar á COVID-19 sjúklingum afhjúpa hryllilega staðreynd

Krufningar á COVID-19 sjúklingum afhjúpa hryllilega staðreynd
Pressan
Fyrir 3 dögum

Giftu sig í miðjum kórónuveirufaraldri – Nú er brúðguminn dáinn og 100 gestir smitaðir

Giftu sig í miðjum kórónuveirufaraldri – Nú er brúðguminn dáinn og 100 gestir smitaðir