Auk þess að vera líffræðingur rannsakar Turchin einnig sögu og samfélagsfræði, þar á meðal hvernig krísur og hörmungar herja aftur og aftur á samfélag okkar. Fyrir tíu árum spáði hann fyrir að 2020 yrði ár óróleika. Þegar tímaritið Nature birti langa grein um hvernig 2020 myndi verða skrifaði hann lesendabréf til að vara höfundana við að þeir ættu á hættu að hafa rangt fyrir sér.
„Niðurstöðurnar fyrir Bandaríkin hræddu mig í sannleika sagt svo ég sendi þeim frekar svartsýna spá mína sem þeir birtu mér að óvörum.“
Skrifar Turchin á bloggsíðu sína. Í lesandabréfinu varaði hann við yfirvofandi krísu.
„Næsti áratugur verður að líkindum tími vaxandi ójafnvægis í Bandaríkjunum og Vestur-Evrópu.“
Sagði hann í upphafi bréfsins og síðan kom listi yfir hvað benti til krísu og síðan kom niðurstaðan:
„Það lítur út fyrir að þetta nái hámarki í kringum 2020.“
Rök hans fyrir þessu eru meðal annars að í sögulegu ljósi hafa Bandaríkin gengið í gegnum krísur á um 50 ára fresti, 1870, 1920 og 1970. Af þessum sökum taldi hann líklegt að það myndi einnig gerast 2020. En hann sá einnig fleiri merki sem studdu spá hans:
Hann benti einnig á að efnahagslegur uppgangur fylgi yfirleitt 40 til 60 ára hringrás og síðan komi niðursveifla. 2020 virtist vera í lok slíkrar hringrásar.
Í nýlegu samtali við Times Magazine sagði Turchin að árið í ár sé hugsanlega bara upphafið að erfiðum tímum. Miðað við þau mynstur sem hann sér í sögunni þá vara samfélagslegar krísur af þessu tagi oft í fimm til fimmtán ár. Hann segir að ef undirliggjandi ástæður fyrir þessu, til dæmis misskiptingin, verður ekki leyst geti þessi krísa varað enn lengur. Þessu til stuðnings bendir hann á stöðuna í Suður-Afríku þar sem gríðarlegt bil er á milli ríkra og fátækra og enn er mikill samfélagslegur órói í landinu, 26 árum eftir að aðskilnaðarstefnan leið undir lok.
