Lögreglan segir að hinn handtekni hafi farið heim til 19 ára fyrrum unnustu sinnar og knúið dyra. Faðir hennar kom til dyra og í kjölfarið kom til handalögmála þegar unga konan kom í anddyrið. Faðir hennar bað fyrrum unnustan að hafa sig á brott og gerði hann það og fór heim til sín og sótti skambyssu bróður sína og hníf.
Hann fór síðan aftur að heimili ungu konunnar um klukkan 05.30. Fyrst myrti hann föður hennar, síðan móður og 25 ára bróður hennar. Því næst klifraði hann upp á svalir til að komast inn í húsið. Þegar inn var komið drap hann ungu konuna og nýjan unnusta hennar.
Hinn handtekni og unga konan áttu í ástarsambandi sem lauk fyrir tveimur mánuðum þegar hún sleit sambandinu. Á laugardagskvöldið fór konan á veitingastað með nýja unnusta sínum. Hinn handtekni hafði einnig fengið þá hugmynd að fara á veitingastaðinn og rakst þar á parið. Upp úr því hófust deilur sem lauk ekki fyrr en fólkið yfirgaf veitingastaðinn. Síðar um kvöldið fór hinn handtekni að heimili konunnar og síðan hófst fyrrgreind atburðarás.
Þegar hann hafði myrt fólkið fór hinn handtekni á lögreglustöðina í bænum og afhenti lögreglunni morðvopnið.
„Ég drap fimm manns.“
Sagði hann við lögreglumanninn í afgreiðslunni. 25 lögreglumenn fóru strax á vettvang og sáu að framburður mannsins var réttur.
