Tveir voru stungnir til bana í mosku í Malmesbury snemma í morgun að staðartíma. Fjölmargir særðust í árásinni. Lögreglan skaut árásarmanninn til bana. Múslimar voru samankomnir til bæna til að fagna lokum hins heilaga mánaðar Ramadan þegar árásin var gerð. Aðeins eru fimm vikur síðan ráðist var á mosku í Verulam.

News24 hefur eftir talsmanni lögreglunnar að árásarmaðurinn hafi verið að biðja með öðrum í moskunni þegar hann stóð skyndilega upp, tók upp hníf og fór að stinga fólk.

Talið er að árásarmaðurinn sé útlendingur á þrítugsaldri.

News24 hefur eftir talsmanni lögreglunnar að árásarmaðurinn hafi verið mjög rólegur og yfirvegaður. Hann hafi reynt að skera höfuðið af eldri manni með stórum hníf líkum þeim sem Rambo notaði í samnefndum kvikmyndum.

Maður hlýddi ekki fyrirmælum lögreglunnar um að leggja hnífinn frá sér og réðast að lögreglumönnum sem skutu hann þá til bana.

Lögreglan segist ekki hafa neinar upplýsingar um hugsanlegar ástæður fyrir ódæðisverkinu.