fbpx
Laugardagur 19.september 2020
Neytendur

8 hagnýt ráð til að hafa í huga við gerð ferilskrár

Ritstjórn DV
Sunnudaginn 2. febrúar 2020 17:00

Ekki missa af Helstu tíðindum dagsins í pósthólfið þitt

Lesa nánar

Þegar sótt er um starf þá þarf í flestum, ef ekki öllum, tilvikum að láta ferilskrá fylgja umsókninni. Ferilskráin er stutt kynning á þér og hvað þú hefur fram að bjóða. Léleg ferilskrá og illa unnin getur gert að verkum að vinnuveitandi afskrifi þig strax á meðan góð ferilskrá getur aukið líkur á að þér verði boðið í atvinnuviðtal. Hér eru nokkur hagnýt ráð til að hafa í huga við gerð ferilskrár.

1 Passaðu lengdina

Það er ágætis viðmiðunarregla að hafa ferilskrána ekki lengri en 1–2 blaðsíður. Hafðu upplýsingarnar hnitmiðaðar og forðastu of ítarlegan og langdreginn texta. Uppfærðu ferilskrána þína eftir þörfum og gættu þess að laga hana að því starfi sem þú sækir um í hvert sinn. Með því að laga hana að hverri umsókn fyrir sig þá geturðu haldið textanum í skefjum með því að leggja áherslu á það sem skiptir máli fyrir starfið sem sótt er um, en sleppt eða aðeins komið lítillega inn á þau atriði, til að mynda varðandi menntun og starfsreynslu, sem bersýnilega hafa enga þýðingu fyrir starfið.

2 Íhugaðu að fá þriðja aðila til að lesa yfir

Það skiptir miklu máli að vanda málfar og stafsetningu í ferilskránni. Því getur það verið vel þessi virði að fá þriðja aðila til að lesa hana yfir, því betur sjá augu en auga. Notaðu góða íslensku og formlega.

3 Kynningarbréf

Þær upplýsingar sem skipta máli varðandi starf sem sótt er um, sem eiga ekki heima í sjálfri ferilskránni, getur þú haft með í kynningarbréfi sem hefð er fyrir að senda með umsókn. Í kynningarbréfi færð þú tækifæri til að kynna persónu þína og rökstyðja hvers vegna þú sért hæfur í starfið. Kynningarbréf á ekki að vera langt, helst á bilinu 200–400 orð.  Kynningarbréfið þarf að miða við það starf sem sótt er um og á að gefa þér tækifæri til að sýna fram á að þú hafir á huga á þessu tiltekna starfi og hafir grunnþekkingu á starfsemi vinnuveitandans.

4 Uppsetning og letur

Það er mikilvægt að ferilskrá sé snyrtilega uppsett og að letur sé auðlesanlegt. Það má finna beinagrindur og form fyrir ferilskrár víða á netinu og jafnvel innbyggt í Word. Gættu þess að hafa textann ekki of stóran og ekki heldur of lítinn. Farðu sparlega með áhersluletur á borð við skáletrun og feitletrun. Gott er að miða við 12 punkta letur og algengar leturgerðir eru til að mynda Times New RomanHelveticaCalibri  og Cambria. Letur á borð við Comic sans á ekki heima í ferilskrá.

5 Á að hafa mynd?

Erlendis er ekki hefð fyrir því að láta mynd fylgja ferilskránni. Hins vegar virðist vera hefð fyrir því hér á landi. Ef þú ákveður að hafa mynd á ferilskránni þá getur margborgað sig að skella sér á ljósmyndastofu og fá vandaða passamynd. Láttu að minnsta kosti djammmyndir og sjálfur eiga sig.

6 Starfsferill

Ef þú ert með viðamikla starfsreynslu þá tilgreinir þú hana á undan menntun á ferilskránni. Hins vegar þarftu ekki að gera grein fyrir hverju og einasta starfi sem þú hefur gegnt á lífsleiðinni. Barnapössun á unglingsaldri og unglingavinnan eiga ekki heima á ferilskrá hjá manneskju á fertugsaldri en ættu hins vegar heima á ferilskrá hjá ungmenni. Greindu helst frá þeim störfum sem þú hefur gegnt síðustu 10–15 árin. Við hvert starf er gott að taka fram hvaða ábyrgð þú barst í starfi eða hvernig verkefnum þú sinntir, sérstaklega ef það gæti skipt máli varðandi það starf sem þú ert að sækja um. Gættu þess þó líkt og áður að hafa textann hnitmiðaðan.

7 Menntun

Endilega taktu fram ef þú skaraðir fram úr í náminu, svo sem með því að tilgreina verðlaun sem þú hefur hlotið eða einkunnir.

8 Umsagnaraðilar

Það er mikilvægt að hafa meðmæli þegar sótt er um starf. Gætu þess þó að þeir einstaklingar sem þú tilgreinir séu samþykkir því að veita meðmæli og séu ekki að fara að vinna gegn þér. Meðmælabréf tíðkast að einhverju leyti á Íslandi en þó er ekki rík hefð fyrir þeim.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Í vikunni

Skammar Solskjær
EyjanNeytendur
29.07.2019

Icelandair hækkaði fargjaldið í miðri bókun um 42 þúsund krónur – „Er græðgin gengin af göflunum?“

Icelandair hækkaði fargjaldið í miðri bókun um 42 þúsund krónur – „Er græðgin gengin af göflunum?“
EyjanNeytendur
23.07.2019

Kjúklingaáleggið frá Kjarnafæði sagt innihalda 80% grísakjöt – „Skandall drepinn í fæðingu“

Kjúklingaáleggið frá Kjarnafæði sagt innihalda 80% grísakjöt – „Skandall drepinn í fæðingu“
EyjanNeytendur
10.05.2019

Launafólk hefur axlað ábyrgð – Nú er komið að fyrirtækjunum: „Vertu á verði – eftirlit með verðlagi“

Launafólk hefur axlað ábyrgð – Nú er komið að fyrirtækjunum: „Vertu á verði – eftirlit með verðlagi“
EyjanNeytendur
06.05.2019

Bíleigendur greiða nær alla útblástursskatta á Íslandi en eru einn minnsti mengunarvaldurinn

Bíleigendur greiða nær alla útblástursskatta á Íslandi en eru einn minnsti mengunarvaldurinn
Neytendur
13.01.2018

New York, Taíland, Spánn eða Balí?

New York, Taíland, Spánn eða Balí?
Neytendur
02.01.2018

Svona muntu standa við nýársheitið um bættan fjárhag á árinu 2018

Svona muntu standa við nýársheitið um bættan fjárhag á árinu 2018
Neytendur
12.12.2017

Telma varpar ljósi á íslenska neysluskrímslið: „Á nákvæmlega sama augnabliki lítur fátæka stúlkan upp“

Telma varpar ljósi á íslenska neysluskrímslið: „Á nákvæmlega sama augnabliki lítur fátæka stúlkan upp“
Neytendur
16.11.2017

Dauðinn er dýr: Það kostar svona mikið að kveðja þennan heim

Dauðinn er dýr: Það kostar svona mikið að kveðja þennan heim
Neytendur
12.11.2017
Dauðinn er dýr