Giljagaur frá Brugghúsinu Borg hlaut hæstu meðaleinkunn í árlegri Jólabjórsmökkun DV. Silfurverðlaunin komu í hlut Einstök Winter ale og fast á hæla hans fylgdi sjálft Fagnaðarerindið frá Bryggjunni brugghúsi. Þetta var niðurstaða sérskipaðrar dómnefndar DV en í henni sátu Svanhildur Hólm Valsdóttir, aðstoðarmaður Bjarna Benediktssonar og fyrrverandi fjölmiðlakona. Erpur Eyvindarson tónlistarmaður, Gunnar Jónsson (Gussi) leikari, Karen Kjartansdóttir, samskiptastjóri SFS, og Ólöf Hugrún Valdimarsdóttir, verkefnastjóri hjá Listaháskóla Íslands og kennari í Bjórskólanum.

Það er til marks um gríðarlega grósku í bjórgerðinni hérlendis að alls voru átján tegundir á boðstólum í smökkuninni, allt innlend framleiðsla. Þar sem sala á jólabjór hefst ekki fyrr en 15. nóvember þá sendu framleiðendur prufur til DV og kunnum við þeim bestu þakkir fyrir liðlegheitin. Þó ber að geta þess að þrjár tegundir til viðbótar, tvær frá Gæðingi brugghúsi og síðan Askasleikir frá Borg, standa bjórunnendum til boða fyrir hátíðarnar. Þessar tegundir voru hins vegar ekki tilbúnar í tæka tíð.

Erfitt líf Dómnefndin sinnti störfum sínum af stakri fagmennsku og ástríðu.

Mynd: DV ehf / Sigtryggur Ari

Smökkunin fór fram í húsnæði Microbar, Vesturgötu 2, sem er eitt af musterum bjórsins í Reykjavík. Fagmennirnir á staðnum aðstoðuðu við framkvæmdina þannig að allt færi eftir kúnstarinnar reglum og er þeim hér með þakkað fyrir sinn þátt. Um blindsmökkun var að ræða og var bjórinn framreiddur í handahófskenndri röð. Allar tegundirnar voru í glerflöskum og var reynt að gæta þess eftir fremsta megni að hitastig veiganna hæfði hverri tegund. Þá fengu nefndarmenn vatn og brauð til þess að reyna að hreinsa bragðlaukana milli sopa. Einnig var boðið upp á veglega fötu til þess að nefndarmenn gætu skyrpt veigunum. Sú fata var ekki mikið notuð.

Dómnefndin fór á kostum og var glatt á hjalla. Allir þátttakendur eru miklir áhugamenn um bjór og inntu starf sitt af hendi af mikilli fagmennsku. Það mátti glögglega sjá að smekkur manna var misjafn og því ljóst að önnur fimm manna nefnd hefði getað komist að allt annarri niðurstöðu. Smökkunin er því fyrst og fremst til gamans gerð. Gjafmildasti dómarinn var samskiptastjórinn Karen Kjartansdóttir sem gaf bjórunum sínum 7,8 í meðaleinkunn. Henni fannst í rauninni íslenska framleiðslan eins og hún leggur sig góð. Svanhildur var á svipuðum slóðum og Karen en Erpur og Ólöf Hugrún voru talsvert harðari. Grimmasti dómarinn var hins vegar leikarinn og hið annálaða góðmenni Gunnar Jónsson, Gussi, sem gaf sínum bjórum að meðaltali 6,1 í meðaleinkunn. Sumir bjórarnir féllu honum ekki í geð.

Einbeiting Veigarnar voru grandskoðaðar með tilliti til lyktar, útlits og bragðs.

Mynd: DV ehf / Sigtryggur Ari

Þegar smökkuninni var lokið var dómurunum umbunað og fengu þeir að taka með sér tvo bjóra hver og var gert að velja þá blindandi. Niðurstaðan varð sú að allir kusu eina flösku af sigurvegaranum Giljagaur og sem flösku tvö valdi Gussi Fagnaðarerindið frá Bryggjunni, Erpur Frelsarann frá Steðja og Svanhildur Einstök Winter ale, Ólöf Hugrún valdi vetrarölið sömuleiðis en Karen ákvað að kynna sér Fagnaðarerindið eins og Gussi.

1. sæti Giljagaur – 8,3 í meðaleinkunn Framleiðandi: BorgTegund: Barley WineÁfengismagn: 10%Karen (9): „Dásamlegur hátíðarbragur yfir þessum. Svona ekta sem maður vill fá á föstudegi í skammdeginu.“Erpur (7,5): „Sætan áberandi en ekki of mikil, vinnur gegn beiskjunni. Eftirbragið gott sem og ropinn.“Ólöf Hugrún (9): „Humlar og hamingja! Smá koníakseftirbragð.“Svanhildur (9): „Sætur og góður. Fljótandi eftirréttur. Þetta er eins og desertvín.“Gussi (7): „Sætur og góður. Upplifi samt engin jól.“

Mynd: DV ehf / Sigtryggur Ari

2. sæti: Einstök Winter ale – 8 í meðaleinkunn Framleiðandi: Einstök ölgerð/VífilfellTegund: Winter aleÁfengismagn: 8%Karen (9): „Það er ekki verið að spara neitt hér. Þessi púllar allt.“Ólöf Hugrún (8): „Sítrus í nefi, skemmtilegt kryddbragð. Myndi smellpassa með sósunni sem mamma gerir með kalkúninum.“Svanhildur (8): „Jólafrí í glasi. Bragðið rífur vel í munninn. Ef þetta væri tónlistarmaður þá væri þetta Keli í Agent Fresco.“Erpur (7,5): „Spennandi, hátíðlegur, fjölbreyttur, ungur og hress.“Gussi (7,5): „Rauð jól, mistilteinn.“

Mynd: DV ehf / Sigtryggur Ari

3. sæti: Fagnaðarerindið – 7,9 í meðaleinkunn Framleiðandi: Bryggjan BrugghúsTegund: Belgískur DubbelÁfengismagn: 6,5%Erpur (7,5): „Gosaður! Líklega sterkur en það finnst ekki.“Gussi (8,5): „Þorláksmessa! Nú mega jólin fara að koma.“Svanhildur (8): „Mjúkur og fínn. Kitlar tunguna svolítið. Jólalegur þó að hann sé ekki mjög sætur.“Karen (8,5): „Þegar búið er að pakka öllum gjöfunum og koma krökkunum í háttinn þá er þetta bjórinn sem maður fær sér í rólegheitunum.“Ólöf Hugrún (7): „Skýjaður, síðustu pakkarnir, pínu reykur.“

Mynd: DV ehf / Sigtryggur Ari

4. sæti: Egils Malt jólabjór – 7,7 í meðaleinkunn Framleiðandi: ÖlgerðinTegund: Þýskur dunkel/Egils MaltÁfengismagn: 5,6%Ólöf Hugrún (7): „Pura, reykt kjöt. Grundigt gamaldags. Hangilæri beint úr reykofninum.“Karen (8,5): Kjöt, íslenskir jólasveinar og allt að gerast. Lítill góður, stór væri of mikið.“Erpur(7): „Massa hangilæri, skemmtilegur!“Gussi(8): „Bjúgnakrækir – reykur.“Svanhildur (8): „Upplifun að smakka en ég myndi ekki þamba.“

Mynd: DV ehf / Sigtryggur Ari

5. sæti: Heims um bjór frá Ölvisholti – 7,6 í meðaleinkunn FramleiðandI: ÖlvisholtTegund: LagerÁfengismagn: 5%Gussi (7): „Lyftir jólaandanum, eftirbeiskja.“Svanhildur (7): „Eplailmur. Konfektbjór. Mikið bragð.“ Ólöf Hugrún (8): „Góð, maltkennd lykt, eftirbragð sem endist.“Karen (8): „Þykkt og fallegt myrkur. Lykt, áferð og litur fágaður.“ Erpur (7): „Sæt lykt, ávextir og malt.“

Mynd: DV ehf / Sigtryggur Ari

6. sæti: Tuborg Julebryg – 7,3 í meðaleinkunn Framleiðandi: ÖlgerðinTegund: Lager í VínarstílÁfengismagn: 5,4%Ólöf Hugrún: (8) „Kandís. Fallegur á litinn.“Svanhildur (8): „Mikil jól! Þessi myndi alveg þola appelsínið. Maltbragðið að mínum smekk.“Gussi (4): „Lakkrís, vantar meiri fyllingu.“Karen (8,5): „Sætur og fallegur á litinn. Gaman að bjóða upp á þennan í góðra vina hópi. Ekta jól!“Erpur (8): „Jól og nýár, hæfilega bragðmikill. Maltaður og gott jafnvægi.“

Mynd: DV ehf / Sigtryggur Ari

7. sæti: Súkkulaði Jóla Kaldi – 7,1 í meðaleinkunn Framleiðandi: Kaldi, ÁrskógsströndTegund: Súkkulaði PorterÁfengismagn: 6%Svanhildur (7): „Er ekki mikið fyrir bjór í bitrari kantinum. Finnst vanta hangikjöt með þessum.“Gussi (7): „Sveskja/rúsína, lítill í sér.“Erpur (6): „Spennandi lykt, ekkert spes en ekki vondur.“Karen (8). „Notalegur. Mikil jól, daðrar við beiskju.“Ólöf Hugrún (7,5): „Maltaður, jafnvel smá súkkulaði.“

Mynd: DV ehf / Sigtryggur Ari

8. sæti: Frelsarinn – 7 í meðaleinkunn Framleiðandi: SteðjiTegund: LagerÁfengismagn: 5,0%Svanhildur (7): „Lyktin er eins og úr lyftingasal – ekki jólalegt – en mjög fínn bjór.Ólöf Hugrún (7,5): „Kattahlandslykt, sorrí, en bragðið er býsna gott. Eftirbragðið leikur við laukana.“Gussi (7): „Milli jóla og nýárs í ræktinni.“Erpur (7): „Vantar sætu, malt, dökkt, tyggjó.“Karen (6,5): „Ágætur.“

Mynd: DV ehf / Sigtryggur Ari

9–10. sæti: 24 frá Ölvisholti – 6,9 í meðaleinkunn Framleiðandi: ÖlvisholtTegund: Barley WineÁfengismagn: 10%Ólöf Hugrún (5): „Grösugur, stálmi.“Svanhildur (8): „Skemmtileg áferð. Spennandi bjór. Mór – nær ekki alveg taðreyktu. Heilsársbjór.“Gussi (6): „Sítrus – kitlandi.“Karen (8,5): „Fínn í pottinn undir stjörnubjörtum himni. Sérstakt, einkennandi bragð sem minnir á reyk og tað.“Erpur(7): Þessi er mjög spennandi en ég gæti ekki margar kippur, að minnsta kosti ekki fyrir hádegi. Spes, hint af taðreykingu.

Mynd: DV ehf / Sigtryggur Ari

9–10.sæti: Jóla Kaldi – 6,9 í meðaleinkunn Framleiðandi: Kaldi, ÁrskógsströndTegund: LagerÁfengismagn: 5%Karen (8,5): „Góður, þessi hentar alltaf vel.“Svanhildur (8): „Veit ekki af hverju hann minnir mig á sólbað. Kannski ekki það jólalegasta en þetta er samt fínn jólabjór. Mjúkur, bæði að áferð og bragði.“Erpur (5,5): „Rosalega beisik, léttur, smá beiskja.“Gussi (5,5): „Fyrsti í aðventu, byrja að hita upp.“Ólöf Hugrún (7): „Perubrjóstsykur, lakkrís.“

11. sæti: Einstök Doppelbock – 6,8 í meðaleinkunn Framleiðandi: Einstök ölgerð / VífilfellTegund: DoppelbockÁfengisprósenta: 6,7%Gussi (6,5): „Jólin eru búin.“Erpur (6): „Beiskjan of mikil, vantar sætu.“Svanhildur (6,5): „Frekar beisik bitur bjór.“Karen (8,5): „Stuð, jól og beiskja.“Ólöf Hugrún (6,5): „Bruninn sykur, leitar upp í nef.“

Mynd: DV ehf / Sigtryggur Ari

12. sæti: Boli Doppelbock – 6,7 í meðaleinkunn Framleiðandi: ÖlgerðinTegund: DoppelbockÁfengismagn: 7,5%Erpur(6): „Beiskjan er of mikil, sæta of lítil.“Gussi (6,5): „Ding Ding – Vantar upplyftingu.“Svanhildur (6,5): „Grunnurinn er ágætur en eitthvað vantar. Ef þetta væri sósa þá myndi ég bæta við kjötkrafti.“Ólöf Hugrún (7): „Góður, ljúfur, smá kanill eftir á.“Karen (7,5): „Dökkur litur og gott eftirbragð.“

Mynd: DV ehf / Sigtryggur Ari

13–15.sæti: Almáttugur – 6,5 í meðaleinkunn Framleiðandi: SteðjiÁfengisprósenta: 6,0%Tegund: PorterSvanhildur (8): „Góður ilmur, fallegur litur. Mikið eftirbragð með smá brenndum keim. Hrikalega skemmtilegur.“Karen (7,5): „Myrkur og lakkrís“Erpur (7) „Maltaður, lakkrís eða anís.“Gussi (7): „KKK Kerfill – Kandís, karamella og Grýla.“Ólöf Hugrún (3): „Sveitin. Hlýtur að vera taðreykt, ekki hrifin.“

Mynd: DV ehf / Sigtryggur Ari

9–10.sæti: Thule Jólabjór – 6,5 í meðaleinkunn Framleiðandi: VífilfellTegund: LagerÁfengismagn: 5,4%Karen (7,5): „Hægt að drekka nokkra svona óvart. Léttur og ljúfur en lítil jól.“Erpur (6,5): „Lakkrís. Þessi er meðal.“Gussi: (5): „Meðaljóla – keimur af apóteki.“Svanhildur (6,5): „Léttur, fínn hversdagsbjór.“Ólöf Hugrún (6): „Þykkur lakkrís til að byrja með.“

Mynd: DV ehf / Sigtryggur Ari

13–15. sæti: Jólagull – 6,5 í meðaleinkunn Framleiðandi: ÖlgerðinTegund: LagerÁfengismagn: 5,4%Ólöf Hugrún (7,5): „Sennilega prýðilegur með laufabrauði.“Karen (6,5): „Ávöxtur, þetta er partíbjór!“Svanhildur (6,5): „Þessi segir mikil jól við mig. Smá bitur.“Erpur (7): „Fruity, Ávaxtakarfan, Jónsi.“Gussi (5) „Ávextir. Eftirbeiskja en engin jól.“

Mynd: DV ehf / Sigtryggur Ari

16. sæti: Víking Yulebock – 6,3 í meðaleinkunn Framleiðandi: VífilfellTegund: BockÁfengisprósenta: 6,2%Erpur (5): „Væri gott með smá sætu, engin kraftaverk.“Ólöf Hugrún (7): „Royal karamellubúðingur, sem þarf ekki að vera slæmt.“Svanhildur (7): „Þennan þarf að drekka milli jóla og nýárs, þegar maður er orðinn leiður á stælum.“Gussi (5): „Karamella eða kandís jafnvel.“Karen (7,5): „Sérstakur,kryddaður en ljúfur með gott eftirbragð.“

Mynd: DV ehf / Sigtryggur Ari

17. sæti: Segull 67 Jólabjór – 5,9 í meðaleinkunn Framleiðandi: Segull 67, SiglufirðiTegund: LagerÁfengisprósenta: 5,4%Gussi (3): „Reykjarbragð, frekar flatur.“Svanhildur (7,5): „Er mjög slæmt að segja að þessi bjór minni mig á bernskujól? Minnir mig á hvítöl, bara aðeins minna sætur.“Karen (7): „Vantar einhvern sjarma en verður fínn með steik og borgara.“Erpur (6): „Léttur og vatnskenndur, minnir örlítið á jólaöl.“Ólöf Hugrún (6): „Karamellu og lakkríslykt, meiri lykt en bragð.“

Mynd: DV ehf / Sigtryggur Ari

18. sæti: Víking jólabjór – 5,5 í meðaleinkunn Framleiðandi: VíkingTegund: LagerÁfengismagn: 5%Gussi(4): „Blautur sokkur. Mellow humall, engin jól.“Svanhildur (6,5): „Þetta er bara svona bjór. Fínn á Kaffi Vest í miðri viku.“Erpur (6): „Þessi er eitthvað týpískur.“Ólöf (5): „Ekki krefjandi, vantar aðeins meiri karakter.“Karen (6): „Sviplítill. Fínn bjór en ekki meira um það að segja.“

Mynd: DV ehf / Sigtryggur Ari