fbpx
Sunnudagur 23.janúar 2022
Matur

Ljúffengt nauta-carpaccio með ferskum rifnum parmesan í forrétt

Sjöfn Þórðardóttir
Miðvikudaginn 24. nóvember 2021 14:08

Að töfra fram ljúffengan forrétt þarf ekki að vera flókið. Þessi er ómótstæðilega góður og hráefnislistinn er stuttur og laggóður./Ljósmyndir aðsendar.

Ekki missa af Helstu tíðindum dagsins í pósthólfið þitt

Lesa nánar

Hér er á ferðinni ómótstæðilega ljúffengt nauta-carpaccio með ferskum rifnum parmesanosti sem hentar ótrúlega vel sem forréttur sem á vel við á hátíðisdögum eða bara þegar þið viljið gera ykkur dagamun. Það er svo gaman að bera fram þennan forrétt því hann gleður bæði auga og munn. Það tekur örskamma stund að útbúa réttinn og framreiða sem er mikill kostur þegar við viljum eyða sem minni tíma inni í eldhúsinu. Þá er einfaldleikinn kærkominn. Uppskriftin er sáraeinföld og hráefnislistinn er stuttur og laggóður.

Nauta-carpaccio

Fyrir 4

– 340 g nauta-carpaccio í sneiðum

– 1 poki/75 g klettasalat

– 1 poki furuhnetur, ristaðar, eða eftir smekk

– jómfrúarolía eftir smekk

– ferskur parmesanostur, rifinn, eftir smekk

– gróft salt eftir smekk

– fersku nýmalaður svartur pipar eftir smekk

– 1 stk sítróna, kreistur safi

Takið til fjóra meðalstóra diska og raðið sneiðunum fallega í hring, um það bil 80 grömmum á hvern disk, dreifið smá jómfrúarolíu yfir hvern skammt. Síðan er sett hálf lúka af klettasalati sáldruð yfir hvern skammt eða eftir smekk hvers og eins. Muna að skola klettasalatið fyrir notkun og þerra með eldhúspappír. Það er líka hægt að blanda saman klettasalatinu og jómfrúarolíu og sáldra svo yfir. Síðan er lag að dreifa ristuðum furuhnetum yfir eftir smekk, það má auðvita sleppa þeim, fer eftir smekk hvers og eins. Síðan er parmesanostur rifinn yfir eftir smekk hvers, gott að hafa mikinn ost og kryddið til með grófum saltflögum og svörtum pipar. Gott getur verið að kreista smá sítrónusafa úr ferskri sítrónu yfir í lokin eftir smekk og hvers og eins. Berið fram á fallegan hátt og njótið.

Hægt er að fá tilbúið frosið nauta-carpaccio í sneiðum í Bónus sem er hrein snilld að nýta í þennan forrétt. Þessu er pakkað þannig að það eru 80 grömm í hverju lagi raðað á smjörpappír og 10 lög í hverjum kassa, þetta eru 800 grömm og kassinn er á sannkölluð Bónusverði. Þetta er snilldarvara og svo hentugt að geta bara tekið úr eitt og eitt lag í einu og látið þiðna þegar hentar. Hér eru til dæmis notuð fjögur lög úr kassanum, sem er fullkominn skammtur fyrir fjóra forrétti og á síðan til fyrir næstu forréttargleði í frystinum. Það er passlegt að nota eitt lag sem einn skammt á mann í forrétt. Allt hráefnið fæst í Bónus fyrir þetta ómótstæðilega ljúffenga forrétt.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Matur
Fyrir 4 vikum

Fullkomin eldun á hreindýrasteik og andabringu

Fullkomin eldun á hreindýrasteik og andabringu
Matur
Fyrir 4 vikum

Besti maturinn til að berjast gegn þotuþreytu

Besti maturinn til að berjast gegn þotuþreytu
Matur
12.12.2021

Ítalska jólakakan Panettone slær í gegn

Ítalska jólakakan Panettone slær í gegn
Matur
12.12.2021

Guðdómlega ljúffengar andabringur með jólaívafi

Guðdómlega ljúffengar andabringur með jólaívafi