Við á matarvefnum elskum matarvefinn Delish og hér er enn ein snilldin frá þeim – jalapeño kartöflusalat. Þetta er klárlega besta kartöflusalat sem við höfum smakkað.
Salat – Hráefni:
900 g kartöflur, soðnar og skornar í teninga
10 beikonsneiðar, eldaðar og muldar
2 bollar cheddar ostur
2 jalapeño, þunnt skornir
Sósa – Hráefni:
2/3 bolli mæjónes
1/4 bolli rauðvínsedik
1 msk. graslaukur, saxaður
1 tsk. hvítlauksduft
salt og pipar
Aðferð:
Blandið kartöflum, beikoni, cheddar og jalapeño saman í skál. Blandið mæjónesi, ediki, graslauk og hvítlauksdufti saman í annarri skál. Saltið og piprið. Blandið öllu vel saman og skreytið með meiri graslauk áður en borið er fram.
