Það að borða 150 grömm af bláberjum á dag er gott fyrir heilsuna miðað við niðurstöður nýrrar rannsóknar. Þær sýna að það að borða 150 grömm, eða um 1 bolla, af þessum ljúffengu berjum á dag dregur á líkunum á að fá hjartaáfall um 15%.

Vísindamenn gerðu tilraun á 138 manns í yfirþyngd og komust að þessari niðurstöðu. Þeir sem borðuðu fyrrgreindan skammt daglega voru með betra blóðflæði og ekki eins stífar æðar og hinir. Þetta segja vísindamennirnir að geta dregið á líkunum á hjartaáfalli um allt að 15%.

Þátttakendurnir voru á aldrinum 50 til 75 ára og með efnaskiptasjúkdóma en þar undir falla sykursýki, of hár blóðþrýstingur og offita. Um þriðjungur íbúa á Vesturlöndum þjáist af slíkum sjúkdómum.

Samkvæmt frétt Daily Mail hafa niðurstöður rannsóknarinnar verið birtar í vísindaritinu the American Journal of Clinical Nutrition.