fbpx
Þriðjudagur 02.september 2025
Matur

Pönnukökur á þrjá vegu

Lilja Katrín Gunnarsdóttir
Sunnudaginn 13. október 2019 12:30

Ekki missa af Helstu tíðindum dagsins í pósthólfið þitt

Lesa nánar

Nú er haustið komið og þá er gott að gera sér glaðan dag með pönnukökum – bakkelsi sem klikkar aldrei. Hér eru þrjár mismunandi pönnukökuuppskriftir sem eru allar dásamlegar.

Franskar crepes með eplafyllingu

Crepes – Hráefni:

2 bollar mjólk
1 1/3 bollar hveiti
1 egg
1 msk. olía
1/2 tsk. lyftiduft
2 msk. sykur

Aðferð:

Blandið öllum hráefnum saman og þeytið þar til blandan er kekkjalaus. Setjið pönnu á hellu við háan hita og spreyið bökunarspreyi á hana. Þegar pannan er orðin mjög heit hellið þið smá af deiginu á hana og dreifið því jafnt yfir pönnuna. Deigið á bara rétt að hylja pönnuna því pönnukökurnar eiga að vera mjög þunnar. Steikið kökurnar í 1–3 mínútur á annarri hliðinni og um mínútu á hinni hliðinni.

Fylling – Hráefni:

3 stór epli, afhýdd og skorin í litla bita
3 msk. púðursykur
1 tsk. kanill

Aðferð:

Setjið öll hráefni í skál og blandið vel saman. Leyfið þessu að standa í 20 mínútur. Það er gott að undirbúa fyllinguna og steikja síðan pönnukökurnar á meðan hún stendur. Setjið blönduna í pönnu og hitið yfir meðalhita þar til eplin verða mjúk, eða í 3–5 mínútur. Setjið eplafyllingu í miðjuna á hverri pönnuköku og lokið kökunum. Þessar eru miklu betri ef bæði pönnukaka og fylling er heit þegar þær eru bornar fram.

Lostæti Franskar crepes. Mynd: Sunna Gautadóttir

Amerískar pönnukökur

Hráefni:

2 bollar hveiti
1 tsk. lyftiduft
1/2 tsk. matarsódi
1/4 bolli sykur
1 tsk. salt
2 bollar súrmjólk
2 stór egg
1/4 bolli brætt smjör
1/2 bolli súkkulaðibitar (má sleppa)

Aðferð:

Blandið hveiti, lyftidufti, matarsóda, sykri og salti saman í skál og búið til holu í miðjunni. Blandið súrmjólk, eggjum og smjöri saman í skál og hellið í holuna. Gott er að þeyta deigið í leiðinni þar til það er slétt og fellt – algjörlega kekkjalaust. Blandið súkkulaðibitum varlega saman við með sleif eða sleikju. Hitið pönnu yfir meðalhita og spreyið bökunarspreyi á hana. Hellið smá deigi á pönnuna og steikið í 2–3 mínútur á hvorri hlið. Það er algjörlega sturlað að bera þessar fram volgar með smjöri og hlynsírópi.

Löðrandi í sírópi Amerískar pönnukökur. Mynd: Sunna Gautadóttir

Íslenskar pönnukökur

Hráefni:

2 bollar hveiti
1/2 tsk. matarsódi
1 tsk. sjávarsalt
1/2 bolli volgt kaffi
3 egg
1–2 tsk. vanilludropar
3–5 bollar mjólk
50 g brætt smjör
sykur
þeyttur rjómi
sulta

Aðferð:

Blandið hveiti, matarsóda, sjávarsalti, kaffi, eggjum, vanilludropum og 3 bollum af mjólk vel saman. Hér er lykilatriði að þeyta, þeyta, þeyta. Bræðið smjörið á pönnukökupönnunni yfir háum hita og þeytið saman við. Þeytið síðan 1–2 bollum af mjólk saman við. Deigið á að vera mjög þunnt en seigt. Skellið smá deigi á pönnuna og snúið pönnunni um þar til hún er öll hulin. Hér gildir sama og um þær frönsku – pönnukökurnar eiga að vera næfurþunnar. Steikið pönnukökurnar í um 1/2–1 mínútu á hvorri hlið og skellið síðan á disk og sykrið. Síðan er það matsatriði hvort þið borðið þær bara sykraðar eða með sultu og rjóma. Mér finnst þær bestar bara sykraðar. Vel sykraðar.

Þessar gömlu góðu Íslenskar pönnukökur. Mynd: Sunna Gautadóttir
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Matur
29.04.2025

Uppáhalds matur barnæskunnar – „Ég skammast mín smá fyrir að segja þetta en það var kallað rónabrauð“

Uppáhalds matur barnæskunnar – „Ég skammast mín smá fyrir að segja þetta en það var kallað rónabrauð“
Matur
19.04.2025

Eðlan sú allra besta

Eðlan sú allra besta
Matur
03.03.2025

Elenora Rós er orðlaus yfir viðtökunum – „Mikið ofboðslega er ég lánsöm lítil kona“

Elenora Rós er orðlaus yfir viðtökunum – „Mikið ofboðslega er ég lánsöm lítil kona“
Matur
27.02.2025

Bolluuppskrift hlaupadrottningarinnar – „Þessi fylling var himnesk“

Bolluuppskrift hlaupadrottningarinnar – „Þessi fylling var himnesk“
Matur
15.12.2024

Hvað er í jólamatinn á Norðurlöndunum? Fjölbreytni og hefðir ráða ríkjum

Hvað er í jólamatinn á Norðurlöndunum? Fjölbreytni og hefðir ráða ríkjum
Matur
17.11.2024

Að tala við „Lækninn í eldhúsinu“ er eins og að eiga samtal við uppskriftabók

Að tala við „Lækninn í eldhúsinu“ er eins og að eiga samtal við uppskriftabók
Matur
10.09.2024

Segir að máltíð dagsins á Subway hafi hækkað um 100% – Hagnaður í fyrra 128 milljónir

Segir að máltíð dagsins á Subway hafi hækkað um 100% – Hagnaður í fyrra 128 milljónir
Matur
02.09.2024

Vonsvikin með viðbragðstíma Wolt og vældi í netverjum – Viðbrögðin líklega meiri vonbrigði

Vonsvikin með viðbragðstíma Wolt og vældi í netverjum – Viðbrögðin líklega meiri vonbrigði