Þessa uppskrift rákumst við á á vefsíðunni Delish og féllum algjörlega fyrir þessari sumarlegu bláberjaköku.
Hráefni – Kaka:
4 1/2 bolli bláber
1/2 bolli sykur
1 1/2 msk. maíssterkja
1 msk. sítrónusafi
2 tsk. sítrónubörkur, rifinn
Hráefni – Toppur:
1/2 bolli hveiti
1/2 bolli haframjöl
1/2 bolli möndlur, saxaðar
1/2 bolli púðursykur
1/2 tsk. salt
1/2 tsk. kanill
1/2 tsk. engifer
6 msk. brætt smjör
Aðferð:
Hitið ofninn í 190°C. Blandið bláberjum saman við sykur, maíssterkju, sítrónusafa og börkinn. Setjið blönduna í eldfast mót eða kökuform. Blandið hveiti, haframjöli, möndlum, púðursykri, salti, kanil og engiferi saman í stórri skál. Notið hendur eða gaffal til að blanda smjörinu vel saman við. Dreifið úr hveitiblöndunni yfir bláberin og bakið í 40 til 45 mínútur.
