Mörgum finnst gaman að leika sér í eldhúsinu um helgar, enda nægur tími til að dunda sér. Það þurfa allir að eiga uppskrift að skotheldri skúffuköku, en þetta er einmitt ein slík. Kremið er auðvitað ekki heilagt, enda eiga margir uppskrift að kremi sem þeir gjörsamlega dýrka.
Kaka – Hráefni:
2 bollar hveiti
2 bollar sykur
1/4 tsk sjávarsalt
230 g smjör
4 msk kakó
1 bolli sjóðandi heitt vatn
1/2 bolli súrmjólk frá
2 stór egg (þeytt)
1 tsk matarsódi
1 tsk vanilludropar
Aðferð:
Hitið ofninn í 180°C og smyrjið eina litla ofnskúffu. Blandið hveiti, sykri og salti vel saman í skál. Bræðið smjörið í potti og bætið kakói og sjóðandi heitu vatni saman við þegar smjörið er bráðnað.
Blandið súrmjólk, eggjum, matarsóda og vanilludropum saman í lítilli skál. Blandið súrmjólkurblöndunni saman við hveitiblönduna og síðan vatnsblöndunni. Hrærið allt vel saman. Hellið blöndunni í skúffuna og bakið í 25-30 mínútur.
Krem – Hráefni:
150 g mjúkt smjör
300 g flórsykur
1/2 bolli þykk karamellusósa
1 tsk vanilludropar
1/4 tsk sjávarsalt
1-2 msk nýmjólk
3-4 msk kakó
Aðferð:
Þeytið smjörið í 2-3 mínútur og hrærið síðan flórsykrinum saman við. Blandið karamellusósu, kakó, vanilludropum og salti vel saman við. Ef kremið er of þykkt má bæta smá mjólk saman við. Smyrjið kreminu ofan á kólnaða kökuna og skreytið að vild.
