fbpx
Miðvikudagur 28.október 2020

„Helvítis fokking fokk. Það á ekki af Svarthöfða að ganga á þessum tímum“

Svarthöfði
Sunnudaginn 20. september 2020 17:30

Ekki missa af Helstu tíðindum dagsins í pósthólfið þitt

Lesa nánar

Svarthöfði var rétt búinn að bursta rykið af kreditkortinu og farinn að skoða pakkaferðir af áfergju þegar krónaveirukúrfan fékk allt í einu sterasprautu og rauk aftur upp. Helvítis fokking fokk. Það á ekki af Svarthöfða að ganga á þessum tímum. Enn og aftur er það orðið svart og það eru þung orð komandi frá sjálfum SVART-höfða.

Svo saup Svarthöfði svo miklar hveljur að honum svelgdist á rúllukraganum sínum þegar nýjasta hneykslið kom upp á yfirborðið. Stjórnvöld hefðu getað lokkað hingað inn Hollywood-pakkið með alla sína fullu vasa af gulli með því að hækka einhverja endurgreiðslu um ogguponsulítil tíu prósent.

Af hverju vilja stjórnvöld ekki Hollywood til Íslands? Erum við í einhverri stöðu til að horfa á stórframleiðendur kvikmynda ganga burtu frá okkur til að leita hagkvæmari kosta? Ættum við ekki frekar að skríða eftir malbikinu auðmjúk, sleikja á þeim yeezystrigaskóna með útgrátinn maskarann lekandi niður kinnarnar og grátbiðja þau um að gefa okkur annað tækifæri?

Það vakti athygli þegar Netflix ákvað að dömpa ekki landi og þjóð Íslendinga í upphafi kórónaveirufaraldursins því við vorum svo oggisslega dugleg í þessu öllu saman. Flott það! Svo fékk Ísland svo góða landkynningu fyrir að vera til fyrirmyndar. Þarna hefðum við geta fengið bara Hollywood eins og sá bær leggur sig til landsins.

Stjórnvöld eru alltaf til í að liðka til fyrir hinum og þessum auðkýfingnum á Íslandi en virðast ítrekað vanmeta virði listgreina eins og tónlistar, kvikmynda og þátta. Allt atriði sem hafa áður komið Íslandi á kortið.

Sleppum Hollywood lausu á götum landsins með myndavélarnar sínar. Við munum græða á því þegar kórónaveiruballið er búið og þá erum við komin með klikkaða landkynningu.

Engin öskurherferð á öræfum mun jafnast á við George Clooney á Bæjarins bestu. Setjum peningana þangað sem þeir skila okkur bestum árangri.

Ekki í einhverja erlenda auglýsingastofu. Nei, takk, frekar í erlenda kvikmyndagerðarmenn.

Hendum svo kannski í nokkur kvikmyndaver, frekar en einhverja bragga. Verðum fyrsta val Netflix, Disney og hinna risanna þegar kemur að kvikmynda- og þáttagerð. Nóg eigum við af náttúrufegurð og plássi.

Minna eigum við hins vegar af peningum, en það eiga þessir aðilar nóg af. Þeir bara kæra sig um að fá framleiðslukostnaðinn að einhverju leyti endurgreiddan sem við græðum svo margfalt á þegar kemur að markaðssetningu.

Öskrum ekki á öræfum. Öskrum á stjórnvöld að hleypa Hollywood til landsins. Og fyrir alla muni, ef þið þekkið einhvern í Hollywood, bendið honum á að Svarthöfði var sko í uppsetningu nemendafélags síns í framhaldsskóla á þremur leikritum og er sem stendur alfarið verkefnalaus.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 11 klukkutímum

Allir stærstu fjölmiðlar Bretlands fjalla um íslenska undrabarnið

Allir stærstu fjölmiðlar Bretlands fjalla um íslenska undrabarnið
433Sport
Fyrir 11 klukkutímum

Solskjær svarar fyrir sig – „Hann mun spila mjög stórt hlutverk“

Solskjær svarar fyrir sig – „Hann mun spila mjög stórt hlutverk“
433Sport
Fyrir 16 klukkutímum

Nýtt líf Arons í Svíþjóð – Sjáðu afrek hans síðustu vikur

Nýtt líf Arons í Svíþjóð – Sjáðu afrek hans síðustu vikur
Fréttir
Fyrir 17 klukkutímum
Eldsvoði í Kórahverfi