Sjö ára ítalskur drengur, Gabriele Petrucci, lést á sjö ára afmælisdaginn sinn þegar hann festist í frárennslissogi sundlaugar. Fjölskyldan var í ferðalagi á hóteli í Castelforte, norðan við Napolí.
Breska blaðið The Sun greinir frá þessu.
Hið hrikalega slys átti sér stað laugardaginn 18. apríl síðstaliðinn á hótelinu Complesso Termale Vescine þar sem fjölskyldan var samankomin með vinum til þess að fagna afmæli Gabriele.
Gabriele var að leika sér í einni sundlauginni þegar hann festi sig í frárennslinu. Faðir hans, Antonello, segist hafa litið frá í andartak og þegar hann leit til baka þá sá hann ekki son sinn.
Báðir foreldrarnir voru aðeins nokkra metra í burtu og sundlaugin var ekki djúp. En það tókst ekki að bjarga honum.
„Ég sá litla líkamann hans Gabriele fastan í frárennslispípunni,“ segir Antenello harmi sleginn. „Ég reyndi að toga hann í burtu. Þrjár manneskjur komu til að hjálpa mér en það dugði ekki til. Við gátum ekki losað hann.“
Starfsfólk hótelsins slökkti strax á pumpunni til að hægt væri að losa Gabriele.
„Hendin á honum var fjólublá. Hann barðist eins og ljón,“ segir Antonello.
Lögreglurannsókn er hafin á málinu. Frumrannsókn bendir til þess að það hafi vantað öryggisgrind yfir frárennslið. Málið er litið mjög alvarlegum augum og fjórir einstaklingar, þar á meðal forstjórar hótelsins, hafa nú stöðu grunaðs manns. Málið er rannsakað sem manndrápsmál.
