Sjálfstæðisflokkurinn er stærsti flokkurinn í Reykjavík og ef gengið yrði til kosninga í dag fengi hann 29,2% fylgi. Þetta er samkvæmt niðurstöðum könnunar Maskínu sem framkvæmd var dagana 18. til 25. ágúst. Svarendur voru 1.029 talsins.

Könnunin var lögð fyrir Þjóðgátt Maskínu, sem er þjóðhópur fólks (e.panel) sem dreginn er með tilviljun úr Þjóðskrá, á netinu. Svarendur eru 18 ára og eldri með búsetu í Reykjavík.

Samfylkingin er næststærsti flokkurinn með 25,0% fylgi og Viðreisn kemur þar á eftir með 14,4% fylgi. Píratar (7,4%), Sósíalistaflokkurinn (5,2%), Flokkur fólksins (4,6%), VG (4,6%) og Framsóknarflokkurinn (3,3%) koma þar á eftir.