Þorvaldur Þórðarson, prófessor í eldfjallafræði við Háskóla Íslands, segir að aftur geti dregið til tíðinda á Reykjanesskaga eftir þrjár vikur. Mbl.is greinir frá.

Allt bendir til að landsis sé hafið í Svartsengi. Land rís þar nú um 0,5 til 1,0 cm á dag. Einnig heldur kvika áfram að safnast í kvikuhólfið undir Svartsengi. Í tilkynningu frá Veðurstofunni segir að miklar líkur séu á því að atburðarásin endurtaki sig eftir nokkrar vikur með nýju kvikuhlaupi og eldgosi.

Sjá einnig: Landris heldur áfram og líklega stutt í næsta gos

Þorvaldur segir í viðtali við mbl.is: „All­ir mælipunkt­arn­ir hafa farið upp á við og ris­hraðinn virðist vera aðeins meiri en verið hef­ur. Það er oft þannig í byrj­un en svo hæg­ir á því. Landrisið í Svartsengi er að slá í um 10 milli­metra á dag og mér finnst mjög lík­legt að það dragi aft­ur til tíðinda eft­ir um það bil þrjár vik­ur.“

Telur hann að líklegt að gosið verið á svipuðum slóðum og síðast. En einnig geti virkni aukist í Eldvörpum:

„Það er ekki nema að við för­um að sjá frek­ari færslu til vest­urs. Ef það ger­ist þá aukast lík­urn­ar á því að það fær­ist meiri virkni í Eld­vörp­in og í svæðin vest­an við Grinda­vík þar sem fisk­eldið er. Það gæti farið að hreyf­ast eitt­hvað á því svæði. Menn ættu því að hafa auga með því og kannski ekki skyn­sam­legt að hafa margt fólk inn á því svæði.“