Herkvaddir rússneskir hermenn hafa verið sendir í fremstu víglínu með „skotvopn og skóflur“ og verið skipað að gera árásir á „öflugar varnir Úkraínumanna“.

Þetta kemur fram í stöðuyfirliti breska varnarmálaráðuneytisins um gang stríðsins.

Segir ráðuneytið að skóflurnar séu líklega ætlaðar til notkunar í návígi.

Þetta eru skóflur sem voru hannaðar 1869 og hafa ekki breyst mikið síðan. Segir ráðuneytið að þær séu notaðar í „grimmdarlegum ótæknilegum bardögum“.

Ráðuneytið segir að einn herkvaddur Rússi hafi sagt að hann „sé hvorki líkamlega né andlega undir átök í Úkraínu búinn“.

Ráðuneytið segir einnig að svo virðist sem það sé að færast í aukana að það sé barist í návígi í fremstu víglínu og að það geti verið vegna þess að Rússar séu að verða uppiskroppa með hergögn.