fbpx
Mánudagur 05.desember 2022
Fréttir

Ruglingsleg herkvaðningin veldur titringi um allt Rússland

Kristján Kristjánsson
Föstudaginn 30. september 2022 08:00

Langar raðir hafa verið við landamæri Rússlands og Georgíu síðustu daga. Mynd:Maxar/EPA

Ekki missa af Helstu tíðindum dagsins í pósthólfið þitt

Lesa nánar

Rússneskir karlmenn flýja land í tugþúsunda tali til að komast hjá herkvaðningu. Andstaða Rússa við stríðið í Úkraínu fer vaxandi, ekki síst í Kákasus.

Rúmlega 250.000 manns, aðallega karlar, hafa yfirgefið Rússland síðan Vladímír Pútín, forseti, tilkynnti um herkvaðningu 300.000 manna. Öngþveiti hefur verið við landamærin að Georgíu en tugir þúsunda hafa farið yfir þau á síðustu dögum. Aðeins ein landmærastöð er opin þar en samband ríkjanna hefur verið ansi stirt síðan Rússar réðust inn í landið 2008.

Að minnsta kosti 100.000 Rússar hafa farið til Kasakstan. Kassym Jomart-Tokajev, forseti, sagði að flestir flóttamannanna hefðu neyðst til að yfirgefa Rússland vegna hinna vonlausu stöðu. „Við verðum að sjá um þá og tryggja öryggi þeirra,“ sagði hann og sendi ráðamönnum í Kreml eitrað skot með þessum ummælum.

Á sama tíma og margir flýja land, eða fara í felur innanlands, hafa fregnir borist af mótmælum víða um landið. Þau mestu hafa verið í Dagestan í norðanverðu Kákasus.

Fyrr í vikunni birtust upptökur af því þegar starfsmaður á skráningarstofu hersins í Irkutsk í Síberíu var skotinn til bana af ósáttum manni. Í Rjazan í miðhluta landsins kveikti maður í sjálfum sér eftir að hafa verið kallaður í herinn.

Víða um land hefur verið kveikt í ráðhúsum og skráningarstofum hersins. Frá því að Pútín tilkynnti um herkvaðningu hefur verið ráðist á að minnsta kosti 17 opinberar byggingar að sögn óháða miðilsins Mediazona. Frá upphafi stríðsins þar til tilkynnt var um herkvaðninguna voru árásir af þessu tagi 37.

Mesta andstaðan við herkvaðninguna hefur komið í ljós í Norður-Kákasus en íbúar þar hafa árum saman verið uppi á kant við stjórnvöld í Moskvu. Í Dagestan hafa mótmælendur, að stórum hluta eiginkonur og mæður hermanna, lokað stórum vegum og lent í átökum við lögregluna.

Þegar Pútín tilkynnti um herkvaðninguna sagði hann að ekki væri um fulla herkvaðningu að ræða og að nú yrðu 300.000 menn frá öllu landinu kallaðir í herinn. En samkvæmt fréttum frá Rússlandi virðast yfirvöld vera með allar klær úti til að finna hermenn og hafa sjónir þeirra beinst sérstaklega að svæðum þar sem minnihlutahópar búa.

„Í dag komu þeir frá skráningarstofunni til að hafa uppi á bróður mínum sem lést fyrir tveimur árum,“ skrifaði söngkonan Natalja Semjonova, frá Burjatien sem er lýðveldi í austurhluta Síberíu, á rússneska samfélagsmiðla. „Það er fyndið að þeir komi til að leita að þeim látnu, upplýsingar þeirra eru úreltar, en á hinn bóginn þá er Burjatien alltaf fremst í röðinni þegar finna þarf fallbyssufóður,“ skrifaði hún.

Stjórnvöld segja að kalla eigi 300.000 menn í herinn en óháðir rússneskir fjölmiðlar segja að reynt sé að kalla eina milljón manna í herinn.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 10 klukkutímum

Tveir ölvaðir ökumenn valdir að umferðaróhöppum

Tveir ölvaðir ökumenn valdir að umferðaróhöppum
Fréttir
Í gær

Eyþór og Emily fengu ekki að fljúga með barnið sitt til Íslands því þau eru bæði blind – „Ég held að þetta sé kolólöglegt“

Eyþór og Emily fengu ekki að fljúga með barnið sitt til Íslands því þau eru bæði blind – „Ég held að þetta sé kolólöglegt“
Fréttir
Fyrir 3 dögum

Jón Baldvin dæmdur fyrir kynferðislega áreitni í „rassastrokumálinu“

Jón Baldvin dæmdur fyrir kynferðislega áreitni í „rassastrokumálinu“
Fréttir
Fyrir 3 dögum

Tálbeita gómaði tvo íslenska menn sem héldu að þeir væru að tala við 14 ára stelpu – „Ég ætlaði aldrei að sofa hjá henni, ég vildi bara að kynnast henni“

Tálbeita gómaði tvo íslenska menn sem héldu að þeir væru að tala við 14 ára stelpu – „Ég ætlaði aldrei að sofa hjá henni, ég vildi bara að kynnast henni“
Fréttir
Fyrir 3 dögum

Áróðursmeistari Pútíns hvetur til árása á Noreg

Áróðursmeistari Pútíns hvetur til árása á Noreg
Fréttir
Fyrir 3 dögum

Snjallir Úkraínumenn blekkja Rússa með snjöllum brellum og eftirlíkingum

Snjallir Úkraínumenn blekkja Rússa með snjöllum brellum og eftirlíkingum