Lögreglan óttast því að metið frá 2020, sem var jafnað 2021, verði slegið í sumar eða haust en það er 47.
Danska ríkisútvarpið segir að sænskur almenningur sé ekki í neinum vafa um hver ástæðan fyrir þessari þróun sé: Sá vandi sem landið glímir við varðandi unga karlmenn sem eru í stríði við hver annan. Sem sagt átök glæpagengja.
Nú hefur sú breyting orðið á morðum af þessu tagi að þau einskorðast ekki lengur við stórborgirnar. Þau eru nú einnig framin í minni bæjum. Til dæmis má nefna að í Kalmar hafa þrír verið skotnir til bana á árinu en þar berjast glæpagengi um yfirráð yfir fíkniefnamarkaðnum. Í bænum búa um 36.000 manns.
Lögreglan segir að net glæpagengja í Svíþjóð sé flókið og gengin mjög mörg. Óttast lögreglan að enn fleiri morð verði framin í sumar. Yfirleitt hafi morðum, tengdum átökum glæpagengja, fjölgað á sumrin því þá sé bjart og auðveldara að finna fórnarlömbin.