fbpx
Sunnudagur 29.janúar 2023
Fréttir

Segja að valdabarátta standi yfir í innsta hring Pútíns

Kristján Kristjánsson
Þriðjudaginn 29. nóvember 2022 07:07

Var þetta allt verk Pútíns? Mynd:Getty

Ekki missa af Helstu tíðindum dagsins í pósthólfið þitt

Lesa nánar

Maðurinn sem er oft nefndur „Kokkur Pútíns“ er orðinn ótrúlega valdamikill, kannski of valdamikill að sumra mati. Hann heitir Yevgeny Prigozhin og er stofnandi, eigandi og heilinn á bak við Wagner-hópinn sem er málaliðafyrirtæki.

Rússnesk stjórnvöld hafa árum saman nýtt sér Wagner-hópinn í vafasömum aðgerðum víða um heim og nú berjast málaliðar á vegum hópsins við hlið rússneskra hermanna í Úkraínu.

Það liggur ljóst fyrir að þátttaka Wagner-hópsins í stríðinu í Úkraínu er með blessun Vladímír Pútíns, forseta. Honum og Prigozhin hefur lengi verið vel til vina og hefur Prigozhin verið meðal þeirra sem hafa fengið aðgang að kjötkötlunum og getað auðgast vel í skjóli Pútín.

En nú segja upplýsingar úkraínsku leyniþjónustunnar og bandarísku hugveitunnar Institute for the Study of War (ISW) að snurða sé hlaupin á þráðinn í sambandi þeirra.

ISW segir að rússneskir embættismenn séu nú að undirbúa stofnun nýs einkafyrirtækis sem geri út málaliða. Prigozhin hefur haft einkarétt á slíkum rekstri fram að þessu. Líklegt má teljast að Wagner-hópurinn þyki vera orðinn of öflugur og nú vilji Pútín spyrna við fótunum.

TV2 hefur eftir Niklas Rendboe, sérfræðingi við danska varnarmálaskólann, að merki hafi verið um að brestir séu komnir í samband Pútíns og Prigozhin. Hann sagði að eitt og annað bendi til að stemmningin sé ekki mjög góð af því að Prigozhin sé ógn við valdaelítuna. Kannski ekki við Pútín sjálfan en við það kerfi sem styður hann. Prigozhin raski valdajafnvæginu. „Pútín líkar ekki að vera háður einhverjum og það er mikilvægt fyrir hann að snúa jafnvæginu þannig að það verði frekar hann sem notar Prigozhin en öfugt,“ sagði Rendboe.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Jóhannes sóttur til saka í héraði og Lexusinn á uppboði hjá Sýslumanni

Jóhannes sóttur til saka í héraði og Lexusinn á uppboði hjá Sýslumanni
Fréttir
Í gær

Frosti svarar Jóni Trausta fullum hálsi – „Hann veittist að persónu minni og mannorði“

Frosti svarar Jóni Trausta fullum hálsi – „Hann veittist að persónu minni og mannorði“
Fréttir
Fyrir 2 dögum

Baldur segir hugvíkkandi efni ekkert annað en fíkniefni – Skilaboðin að fíkniefnaneysla sé eðlileg

Baldur segir hugvíkkandi efni ekkert annað en fíkniefni – Skilaboðin að fíkniefnaneysla sé eðlileg
Fréttir
Fyrir 2 dögum

Þorlákur dæmdur til að greiða samfanga bætur fyrir líkamsárás á Litla-Hrauni – Afplánar sjö og hálfs árs dóm fyrir tilraun til að drepa varaþingmann

Þorlákur dæmdur til að greiða samfanga bætur fyrir líkamsárás á Litla-Hrauni – Afplánar sjö og hálfs árs dóm fyrir tilraun til að drepa varaþingmann
Fréttir
Fyrir 2 dögum

Nýjar upplýsingar um dauða rússnesks olígarka – „Brunnið lík skýrir ekki frá leyndarmálum“

Nýjar upplýsingar um dauða rússnesks olígarka – „Brunnið lík skýrir ekki frá leyndarmálum“
Fréttir
Fyrir 2 dögum

Vestrænir skriðdrekar auka á ótta Rússa við að bíða sögulegan ósigur

Vestrænir skriðdrekar auka á ótta Rússa við að bíða sögulegan ósigur