fbpx
Laugardagur 01.október 2022
Fréttir

Segir að Kína sé sofandi hundur sem Vesturlönd geti vakið og sigað á Rússland

Kristján Kristjánsson
Mánudaginn 25. júlí 2022 08:00

Pútín og Xi sömdu um kaup Kínverja á rússnesku gasi. Mynd:Getty

Ekki missa af Helstu tíðindum dagsins í pósthólfið þitt

Lesa nánar

Verður 21. öldin, öld Kína? Það er ekki öruggt en það er algjörlega öruggt að Rússland er tapari aldarinnar. Rússland mun hnigna, verða ófært um að nýta náttúruauðlindir sínar á áhrifaríkan hátt, veikist þar af leiðandi en getur eyðilagt en ekki sigrað minna evrópskt nágrannaríki.

Svona hefst grein eftir Per Nyholm, fyrrum blaðamann hjá Jótlandspóstinum, í Jótlandspóstinum í gær.

Hann segir að heimurinn sé að breytast, valdajafnvægið færist til. Misheppnaður stríðsrekstur Rússa í Afganistan, Norður-Afríku og Miðausturlöndum og nú Úkraínu, svo ekki sé talað um brotthvarf þeirra frá Austur-Evrópu eftir 1989, tali sínu máli um að Rússar ráði hvorki yfir efnislegum né vitsmunalegum kröftum sem geri ríki að stórveldi.

Hann segir einnig að Rússland færist sífellt nær náttúruhamförum. Sífrerinn sé að bráðna. Bæir, vegir, járnbrautarteinar, olíuleiðslur og aðrir mikilvægir innviðir á heimskautasvæðinu muni hverfa í botnlausa for.

„Það berst hávaði frá stríðinu í Úkraínu en takið eftir hundinum sem lætur sem hann sofi. Kína hefur svo hljótt að það hlýtur að valda áhyggjum í Moskvu og áhuga á Vesturlöndum. Xi Jinping, einræðisherra í Kína, segir Pútín vin sinn en það er Pútín sem fer til Peking, ekki Xi til Moskvu. Pútín er umsækjandinn, Xi er glottandi leiðtogi. Nýlega funduðu Blinken, utanríkisráðherra Bandaríkjanna, og Wang Yi, utanríkisráðherra Kína, í fimm klukkustundir. Fimm klukkustundir! Það væri gaman að vita hvað var rætt,“ segir hann.

Hann segir að Kína sé byggt á 4.000 ára hefð. Kínverjar líti á Rússa sem uppskafninga, sléttufólk, sem hafi sameinast í eitt villimannsríki á þrettándu öld og hafi 700 árum síðar, í samvinnu við Bretland, Frakkland og Japan, þvingað veikburða Quingkeisara til þess sem Kínverjar kalla „ójafna samninga“. Nú séu Bretar, Frakkar og Japanar löngu farnir en Rússar hafi aldrei skilað því aftur sem þeir tóku úr kínverska þrotabúinu, um 600.000 ferkílómetra lands í Síberíu og það sem nú er austasti hluti Rússlands.

Hann veltir síðan fyrir sér hvort Blinken og Wang Yi hafi hugsanlega rætt viðkvæmt mál. Það er að borgin Vladivostok, þar sem 600.000 manns búa og Kyrrahafsfloti Rússa hefur bækistöð, hafi verið kínversk og heitið Hsishenwai fyrir tæpum 200 árum. Hann segir að ónefndar kröfur Kínverja um yfirráð yfir Vladivostok, Ytri-Mongólíu og austursvæðum Rússlands séu ekki síðri, hugsanlega betri, en kröfur Rússlands Pútíns um yfirráð yfir Úkraínu, Póllandi, Eystrasaltsríkjunum og öðrum löndum sem Sovétmenn réðu áður.

„Hlutverk Kína í Úkraínustríðinu er að vera sofandi hundur. Kannski ætti Washington að segja Xi forseta að ef hann gjammi minna að Taívan og meira að Rússlandi geti hann fengið verðlaun,“ segir hann að lokum.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

23 létust í árás Rússa á bílalest óbreyttra borgara

23 létust í árás Rússa á bílalest óbreyttra borgara
Fréttir
Í gær

Kona fundin sek um innflutning á töluverðu magni af kókaíni

Kona fundin sek um innflutning á töluverðu magni af kókaíni
Fréttir
Fyrir 2 dögum

Myndir: Skotvopnin sem lögreglan haldlagði við rannsókn hryðjuverkamálsins

Myndir: Skotvopnin sem lögreglan haldlagði við rannsókn hryðjuverkamálsins
Fréttir
Fyrir 2 dögum

Upplýsingafundur lögreglu vegna hryðjuverkamálsins – „Kannski er að opnast einhver nýr veruleiki“

Upplýsingafundur lögreglu vegna hryðjuverkamálsins – „Kannski er að opnast einhver nýr veruleiki“