fbpx
Föstudagur 12.ágúst 2022
Fréttir

Er Pútín raunverulega veikur? „Mig grunar að hann sé bara ímyndunarveikur“

Kristján Kristjánsson
Fimmtudaginn 16. júní 2022 06:03

Pútín hefur meðal annars þótt ansi búlduleitur upp á síðkastið. Mynd:Getty

Ekki missa af Helstu tíðindum dagsins í pósthólfið þitt

Lesa nánar

Er Pútín raunverulega veikur? Þessari spurningu var varpað fram á vef Sky News en tilefnið er fréttaflutningur og vangaveltur um heilsufar Vladímír Pútíns, Rússlandsforseta. Hann hefur meðal annars þótt ansi búlduleitur vegna hugsanlegrar steranotkunar, er sagður hafa gripið fast um borðbrún vegna sársauka og verið óstyrkur á fótum.

Þetta hefur ýtt undir stöðuga orðróma um heilsufar hans en er eitthvað sem styður vangaveltur af þessu tagi? Michael Clarke, prófessor og sérfræðingur í varnar- og öryggismálum, sat fyrir svörum hjá Sky News en þar gafst áhorfendum tækifæri á að spyrja hann út í stríðið í Úkraínu og mál því tengdu. Ein spurningin sem hann fékk var: „Er Pútín raunverulega veikur eða er þetta bara óskhyggja?“

Clarke sagði orðrómar um heilsufar Pútíns muni halda áfram að vera á kreiki og fólk velti oft fyrir sér hvort hann sé með krabbamein eða Parkinsonssjúkdóminn. Hann sagði að Pútín sýni sig nú meira en síðustu árin þar sem hann hafi haldið sig til hlés vegna heimsfaraldursins. Hann sé með þessu að sýna að hann sé við stjórnvölinn og ekki sé annað að sjá en heilsa hans sé ágæt.

Clarke sagðist hafa rætt við fjölda manns sem hafi sagt honum að ekki sé hægt að sjá á göngulagi fólks hvort það sé með Parkinsonssjúkdóminn og ekki sé hægt að sjá hvort fólk sé með krabbamein með því að skoða ljósmyndir. Hann sagði að engar „sannfærandi sannanir“ væru fyrir því að Pútín sé veikur.

Clarke benti á að Pútín verði sjötugur í október. Vitað sé að hann noti Bótox ósparlega: „Ég segi alltaf að hann sé að reyna að smyrja sig (eins og lík eru smurð til að varðveita þau, innsk. blaðamanns) á meðan hann er enn á lífi – hann notar mikið Bótox.“

Hann sagði að Pútín fari ekkert nema hópur lækna sé með honum og sagt sé að hann yfirgefi fundi oft til að ráðfæra sig við einhverja. „Mig grunar að hann sé bara ímyndunarveikur, í hreinskilni sagt.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Nafn mannsins sem lést í sjósundi við Langasand

Nafn mannsins sem lést í sjósundi við Langasand
Fréttir
Í gær

Fordæma netárás og hótanir í garð Fréttablaðsins – „Alvarleg tilraun til að hafa áhrif á sjálfstæða ritstjórn íslensks fjölmiðils“

Fordæma netárás og hótanir í garð Fréttablaðsins – „Alvarleg tilraun til að hafa áhrif á sjálfstæða ritstjórn íslensks fjölmiðils“
Fréttir
Í gær

Fréttablaðið kærir hótanir hakkara til lögreglu – „Þetta er atlaga að fjölmiðlafrelsi“

Fréttablaðið kærir hótanir hakkara til lögreglu – „Þetta er atlaga að fjölmiðlafrelsi“
Fréttir
Í gær

Brotist inn í lúxusvöruverslunina Attikk í morgun – MYNDIR

Brotist inn í lúxusvöruverslunina Attikk í morgun – MYNDIR
Fréttir
Fyrir 2 dögum

Gunnar vonsvikinn eftir fund um mál kennarans sem smánaði hann – „Þær sögðu að þetta væri ekki einelti heldur mistök“

Gunnar vonsvikinn eftir fund um mál kennarans sem smánaði hann – „Þær sögðu að þetta væri ekki einelti heldur mistök“
Fréttir
Fyrir 2 dögum

234 þúsund brottfarir erlendra farþega í júlí

234 þúsund brottfarir erlendra farþega í júlí