fbpx
Fimmtudagur 16.september 2021
Fréttir

Ástarsvindlarar hafa svikið tugi milljóna út úr hrekklausum Íslendingum

Kristján Kristjánsson
Föstudaginn 10. september 2021 08:00

Fjöldi Íslendinga hefur verið féflettur af svokölluðum ástarsvikurum.

Ekki missa af Helstu tíðindum dagsins í pósthólfið þitt

Lesa nánar

Frá því að heimsfaraldur kórónuveirunnar skall á hefur svokallað ástarsvindl aukist mjög hér á landi ef miða má við fjölda tilkynninga og samtöl við fórnarlömb. Á þremur árum hafa 20 tilkynningar um ástarsvindl borist til lögreglunnar og var samtals um 73 milljónir að ræða sem voru sviknar út úr fólki, eða 3,65 milljónir að meðaltali í hverju máli.

Fréttablaðið skýrir frá þessu í dag. Með ástarsvindli er átt við þegar svikahrappur, sem er yfirleitt staddur erlendis, kemst í samband við væntanlegt fórnarlamb sitt á netinu, oft í gegnum stefnumótasíður eða spjallsíður. Út frá þessu myndast tilfinningasamband á fölskum forsendum. Þegar svikahrappurinn telur sig vera búinn að byggja upp nægilega mikil tengsl og traust biður hann um lán eða styrk. Þetta getur síðan haldið áfram um langa hríð og upphæðin farið síhækkandi.

Fréttablaðið hefur eftir Daða Gunnarssyni, lögreglufulltrúa hjá miðlægri rannsóknardeild lögreglunnar á höfuðborgarsvæðinu, að málum af þessu tagi hafi fjölgað í faraldrinum. 14 af tilkynningunum 20 hafi borist eftir að faraldurinn skall á. „Það staðfestir aukningu frá því að Covid hófst. Þá er líka fólk sem hefur verið í sambandi við okkur eftir að Covid hófst sem lét ekki blekkjast en var komið áleiðis og búið að mynda nokkur tilfinningabönd við aðilana,“ er haft eftir honum.

Hann sagði einnig að þrátt fyrir að tilkynningum hafi fjölgað þá telji lögreglan að það segi ekki allt um umfangið því margir skammist sín einfaldlega of mikið til að tilkynna um brot af þessu tagi. „Skömmin er töluverð hjá fólki sem ræðir við okkur. Fólk er oft mjög sárt þar sem það var búið að mynda tilfinningatengsl við aðilann sem það var í sambandi við,“ sagði hann.

Það er misjafnt hvað lögreglan getur gert í málum af þessu tagi en peningarnir eru ekki alltaf tapaðir. „Í sumum málum höfum við náð peningum aftur ef fólk uppgötvar þetta fljótt. Vandamálið er að yfirleitt uppgötvast þetta mjög seint og fólk vill ekki viðurkenna að hafa orðið fyrir slíkum brotum. Þá eru endurheimtur oftast frekar erfiðar,“ sagði Daði.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 23 klukkutímum

Stöð 2 tekur fyrir orðróm um að Reynir Bergmann sé að byrja þar með þætti – „Það er rangt“

Stöð 2 tekur fyrir orðróm um að Reynir Bergmann sé að byrja þar með þætti – „Það er rangt“
Fréttir
Í gær

Íslensk kona sækist eftir skilnaði við svikulan sómalskan svein – Óvíst hvort hann sé ekkill, fráskilinn eða enn giftur ytra

Íslensk kona sækist eftir skilnaði við svikulan sómalskan svein – Óvíst hvort hann sé ekkill, fráskilinn eða enn giftur ytra
Fréttir
Fyrir 2 dögum

Rauðagerðismálið: Pissuspása hjá Shpetim þegar Angjelin losaði sig við byssuna

Rauðagerðismálið: Pissuspása hjá Shpetim þegar Angjelin losaði sig við byssuna
Fréttir
Fyrir 2 dögum

Erlingur upplifði eitraða klefamenningu og fékk nóg er hann heyrði af ógeðfelldri hefð – „Ég mætti aldrei aftur á æfingu“

Erlingur upplifði eitraða klefamenningu og fékk nóg er hann heyrði af ógeðfelldri hefð – „Ég mætti aldrei aftur á æfingu“