fbpx
Mánudagur 21.júní 2021
Fréttir

Þrjár manneskjur sem ákærðar eru fyrir morð ganga frjálsar um götur Reykjavíkur

Ágúst Borgþór Sverrisson
Miðvikudaginn 9. júní 2021 18:59

Einn sakborninga í Rauðagerðismálinu leiddur út úr húsi Héraðsdóms Reykjavíkur mynd/Stefán

Ekki missa af Helstu tíðindum dagsins í pósthólfið þitt

Lesa nánar

DV hefur fengið staðfest að aðeins Angjelin Sterkaj sitji nú í gæsluvarðhaldi vegna morðsins á Armando Bequiri sem skotinn var til bana fyrir utan heimili sitt í Rauðagerði laugardagskvöldið 13. febrúar.

Maðurinn sem játað hefur að hafa myrt Armando er Angjelin og hann situr í gæsluvarðhaldi. Þrjár aðrar manneskjur hafa verið ákærðar fyrir hlutdeild í morðinu. Armando segist hafa verið einn að verki en ákæra héraðssaksóknara í málinu bendir til þess að fjórar manneskjur hafi tekið höndum saman um að myrða Armando.

Ein þeirra er Claudia Sofia Soelho Carvalho, kona fædd árið 1990, en hún njósnaði um Armando í aðdraganda morðsins og gaf upplýsingar um ferðir hans. Annar sakborningur, Murat, gaf henni leiðbeiningar um hvernig hún ætti að njósna um Armando. Hún átti að fylgjast með tveimur bílum í eigu Armndos, sem lagt var í porti við Rauðarárstíg, og gera Angjelin viðvart um þegar Armando æki öðrum þeirra burtu. Það gerði hún, samkvæmt ákæru.

Annar sakborningur er Shpetim Querimi, fertugur maður sem býr í Hafnarfirði. Hann ók ásamt Angjelin að Rauðagerði rétt fyrir miðnætti laugardagskvöldið 13. febrúar og stöðvuðu þeir bílinn nálægt horni Rauðagerðis og Borgargerðis. Í ákæru segir orðrétt:

„Þegar bifreið Armando var ekið að heimili hans að Rauðagerði 28 ók ákærði Shpetim í humátt á eftir honum, hleypti meðákærða Angjelin úr bifreiðinni við hús nr. 28 og ók svo áfram nokkrar húsalengdir þar sem hann snéri bifreiðinni við og beið þar til meðákærði Angjelin gaf honum merki um að sækja sig. Þá ók ákærði Shpetim austur Rauðagerði og tók meðákærða Angjelin upp í bifreiðina í Borgargerði. Þeir óku svo út úr bænum og í Varmahlíð í Skagafirði, með viðkomu í Kollafirði þar sem meðákærði Angjelin losaði sig við skammbyssu með því að henda henni í sjóinn.“

Shpetim viðurkennir að hafa verið í bíl með Angjelin þetta kvöld en hann segist ekkert hafa vitað um áform hans né vitað hver bjó í húsinu við Rauðagerði þar sem ódæðisverkið var framið. Héraðssaksóknara þykir framburður hans ótrúverðugur enda bendir allt til þess að hann hafi orðið var við morðvopnið sem var notað til verksins, 40 cm langa skammbyssu með hljóðdeyfi. Raunar fullyrðir héraðssaksóknari að Shpetim hafi um tíma haft byssuna undir höndum en þá hafi hún verið ofan í tösku.

Allt fólkið er í farbanni en það gengur frjálst um götur Reykjavíkur þar til dómur verður kveðinn upp í málinu. Aðalmeðferð verður þann 13. september næstkomandi.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ingó opinberar ástina

Nýlegt

Fréttir
Fyrir 2 dögum

Stórir bólusetningardagar í næstu viku – Stefnt á að allir verði þá búnir að fá eina sprautu

Stórir bólusetningardagar í næstu viku – Stefnt á að allir verði þá búnir að fá eina sprautu
Fréttir
Fyrir 3 dögum

Ofurölvi par með 8 ára barn á veitingastað – Líkamsárásir og slys

Ofurölvi par með 8 ára barn á veitingastað – Líkamsárásir og slys
Fréttir
Fyrir 3 dögum

Stjörnu-Sævar vill ekki að við kaupum helíumblöðrur

Stjörnu-Sævar vill ekki að við kaupum helíumblöðrur
Fréttir
Fyrir 3 dögum

Meindýraeyðir í Öxarfirði ósáttur við Sigga hakkara og hefur haft samband við lögmann

Meindýraeyðir í Öxarfirði ósáttur við Sigga hakkara og hefur haft samband við lögmann
Fréttir
Fyrir 4 dögum

Full forsjá móður staðfest – Hafði tapað forsjá til föður sem fékk holdris nálægt dóttur þeirra

Full forsjá móður staðfest – Hafði tapað forsjá til föður sem fékk holdris nálægt dóttur þeirra
Fréttir
Fyrir 4 dögum

Gunnlaugur tapaði fyrir Borgarbyggð – Stefndi sveitarfélaginu vegna brottrekstrar úr bæjarstjórastóli

Gunnlaugur tapaði fyrir Borgarbyggð – Stefndi sveitarfélaginu vegna brottrekstrar úr bæjarstjórastóli