fbpx
Sunnudagur 14.ágúst 2022
Fréttir

Móðir ósátt með bólusetningaáróður í Flataskóla – „Það eru vax­andi áhyggj­ur um til­gang og gagn­semi bólu­setn­inga“

Bjarki Sigurðsson
Fimmtudaginn 3. júní 2021 08:57

Ekki missa af Helstu tíðindum dagsins í pósthólfið þitt

Lesa nánar

Kristín Johansen er móðir barna í Flataskóla í Garðabæ en þar var á dögunum níu ára börnum sýnd mynd sem fjallar um sögu og mikilvægi bólusetninga fyrir börn. Myndin er sýnd sem hluti af verkefni með UNICEF en fræða á börnin um réttindi þeirra samkvæmt Barnasáttmála UNICEF.

Ævar Þór Benediktsson, einnig þekktur sem Ævar vísindamaður, og Þórólfur Guðnason sóttvarnalæknir eru meðal þeirra sem fjalla um bólusetningar fyrir börnin í verkefninu.

„Þetta vil ég gagn­rýna. Ég set spurn­ing­ar­merki við gagn­semi þess að sýna níu ára krökk­um upp­lýs­inga­mynd­bönd um bólu­setn­ing­ar þar sem þau hafa ekki for­send­ur til að kynna sér málið frá öðrum hliðum. Það eru vax­andi áhyggj­ur um til­gang og gagn­semi bólu­setn­inga og ekki síst í dag þegar við horf­um upp á að gripið hef­ur verið til þess ráðs að reyna mRNA-líf­tækni­meðferð fyr­ir sem flesta við veiru sem veg­ur ekki fleiri en flensa hef­ur gert í gegn­um tíðina,“ skrifar Kristín í Morgunblaðið. „Jafn­vel hef­ur maður heyrt að standi til að sprauta börn „fyr­ir“ þess­um vírus sem snert­ir þau ekki og telja verður í besta falli vafa­samt.“

Kristín spyr hvort tímasetningin á þessu myndbandi sé kannski ekki tilviljun. Hún bendir á að það er í höndum foreldra og aðstandenda að taka ákvarðanir fyrir börnin um þau mál sem tengjast heilsu og segir að með inngripi af þessu tagi sé hætta á einhliða umfjöllun og einhliða umræðu um mikilvægt málefni.

„Hafið þið skoðað hvort um hræðslu­áróður sé að ræða í mynd­band­inu? Er talað þar um að börn geti dáið ef þau fá ekki bólu­setn­ingu? Hver er til­gang­ur­inn með því? Ég frá­bið mér því að dótt­ur minni verði sagt beint eða óbeint að hún geti dáið ef hún fái ekki bólu­setn­ing­ar. Ég kæri mig ekki um að greypa það viðhorf í hana,“ segir Kristín.

Hún vill meina að það sé annað að hvetja börn til hreyfingar og útvistar en annað að fjalla einhliða um nauðsyn bóluefna. Það sé meira áróður en fræðsla.

„Ég hvet ykk­ur því til að end­ur­skoða þá ákvörðun að leyfa sýn­ingu slíks ein­hliða mynd­bands fyr­ir börn sem hafa ekki næg­an skiln­ing á mál­efn­inu,“ segir Kristín að lokum.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 2 dögum

Perla klessti á bíl í Skeifunni – „Englar í mannsmynd!“

Perla klessti á bíl í Skeifunni – „Englar í mannsmynd!“
Fréttir
Fyrir 2 dögum

Síbrotamaður á Akureyri úrskurðaður í gæsluvarðhald grunaður um 22 brot

Síbrotamaður á Akureyri úrskurðaður í gæsluvarðhald grunaður um 22 brot
Fréttir
Fyrir 2 dögum

Strandgestir flúðu í örvæntingu þegar rússneskar flugvélar sprungu – Atburðirnir á Krím geta breytt stríðinu – Myndband

Strandgestir flúðu í örvæntingu þegar rússneskar flugvélar sprungu – Atburðirnir á Krím geta breytt stríðinu – Myndband
Fréttir
Fyrir 2 dögum

Beindi hníf að lögreglumönnum – Bar hníf upp að hálsi manns

Beindi hníf að lögreglumönnum – Bar hníf upp að hálsi manns
Fréttir
Fyrir 3 dögum

Ákærður fyrir að hafa nauðgað fatlaðri konu ítrekað

Ákærður fyrir að hafa nauðgað fatlaðri konu ítrekað
Fréttir
Fyrir 3 dögum

Rússneska sendiráðið segist ekki bera ábyrgð á netárás á vef Fréttablaðsins í morgun – „Mér finnst þetta ekki hörð viðbrögð í málinu“

Rússneska sendiráðið segist ekki bera ábyrgð á netárás á vef Fréttablaðsins í morgun – „Mér finnst þetta ekki hörð viðbrögð í málinu“
Fréttir
Fyrir 3 dögum

Reyndi að skalla lögreglumann

Reyndi að skalla lögreglumann
Fréttir
Fyrir 3 dögum

Sölvi Tryggvason á fulla ferð að nýju – Birtir fjögur ný hlaðvarpsviðtöl á heimasíðu sinni

Sölvi Tryggvason á fulla ferð að nýju – Birtir fjögur ný hlaðvarpsviðtöl á heimasíðu sinni