Tilnefningar til Lúðursins, íslensku auglýsingaverðlaunanna, voru tilkynntar í dag. Sjöunda árið í röð er auglýsingastofan Brandenburg með flestar tilnefningar eða 25 talsins. Aldrei hefur ein stofa hlotið svo margar tilnefningar áður.
„Við erum í skýjunum með árangurinn og ekki síst það að svo margir viðskiptavina okkar hljóti tilnefningu. Eins og síðasta ár hefur þetta verið snúið og óvenjulegt ár í markaðslegu samhengi. Við höfum alltaf lagt áherslu á árangursdrifnar hugmyndir enda sýna rannsóknir að hugmyndaauðgi er besta leiðin til árangurs,“ segir Ragnar Gunnarsson, framkvæmdastjóri Brandenburgar.
Næst á eftir Brandenburg koma auglýsingastofurnar ENNEMM með 11 tilnefningar, Hvíta húsið með 9 og svo Kontor með 6. Stofan Kontor er með einungis með sjö starfsmenn og fá næstum tilnefningu fyrir hvern starfsmann.