Sóttkvíarhótelið á Þórunnartúni hefur verið mikið í umræðunni undanfarna daga og vikur. Tónlistarmaðurinn Davíð Berndsen er á meðal þeirra sem dvelja þar. Vinur hans og tónlistarmaðurinn Sveinbjörn Thoraresen, sem betur þekktur sem Hermigervill, hefur leyft fylgjendum sínum á Twitter að skyggnast inn í lífið og þá sérstaklega matinn á sóttkvíarhótelinu.
„Nú er vinur minn Davíð Berndsen að nýta sér sóttkvíarúrræðið í Þórunnartúni. Það munar 2 hæðum að ég gæti vinkað honum úr eldhúsglugganum hjá mér. Er með live feed úr prísundinni og það stefnir í stórgott raunveruleikasjónvarp þessa vikuna,“ sagði Sveinbjörn í fyrsta tíst um dvöl Davíðs á hótelinu.
Þá birti hann mynd af matnum sem Davíð fékk þann daginn en maturinn sem boðið var upp á varð að eins konar þema yfir næstu daga sem á eftir komu.
Nú er vinur minn @davidberndsen að nýta sér sóttkvíarúrræðið í Þórunnartúni. Það munar 2 hæðum að ég gæti vinkað honum úr eldhúsglugganum hjá mér. Er með live feed úr prísundinni og það stefnir í stórgott raunveruleikasjónvarp þessa vikuna. pic.twitter.com/ZxeyaMvmcf
— Hermigervill (@hermigervill) April 18, 2021
Eins og sést í færslunni hér fyrir ofan var boðið upp á skinku, baunir og ristaðan lauk þennan daginn. Í næstu færslu sem Sveinbjörn birti var maturinn aðeins girnilegri. Mynd af matnum má sjá í færslunni hér fyrir neðan. „Allt annað en í gær,“ segir Davíð um matinn.
Beina útsendingin úr sóttkvínni hans @davidberndsen heldur áfram. Mér sýnist maturinn hans líta betur út í dag. pic.twitter.com/ON1Qotb4ez
— Hermigervill (@hermigervill) April 19, 2021
Næsti dagur var erfiður hjá Davíð samkvæmt Sveinbirni. „Þetta var ógeð,“ skrifar Davíð til vinar síns um matinn þann daginn en hægt er að sjá umræddan mat hér fyrir neðan.
Erfiður dagur hjá @davidberndsen pic.twitter.com/VkWYKRggmD
— Hermigervill (@hermigervill) April 20, 2021
Í gær var svo komið að afar furðulegri samsetningu. „Þetta er það skrýtnasta hingað til,“ skrifar Sveinbjörn en í matinn í gær var Pad Thai með skinku. „Það er fusion í kvöld,“ sagði Davíð en myndina af matnum má sjá hér fyrir neðan.
Þetta er það skrýtnasta hingað til. Stendur enginn í reikningsskap fyrir þessu sem boðið er uppá? Aumingja @davidberndsen 😥 pic.twitter.com/IoFYWHf8MV
— Hermigervill (@hermigervill) April 21, 2021