Á níunda tímanum í gær handtók lögreglan mann í Hlíðahverfi en hann er grunaður um að hafa stolið farsíma. Eigandi símans tilkynnt um stuld á honum um klukkan 17 en hann var staddur í verslunarmiðstöð í Kringlunni þegar símanum var stolið. Eigandanum tókst að staðsetja símann sinn í Hlíðahverfi. Þar höfðu lögreglumenn afskipti af tveimur mönnum og var annar þeirra með símann í fórum sínum en sagðist eiga hann. En skilríki símaeigandans voru í farsímahulstrinu og því féll saga hins grunaða um sig sjálfa.

Á sjötta tímanum í gær var ofurölvi maður handtekinn í Hlíðahverfi. Ekki er vitað hvar hann býr og var hann því vistaður í fangageymslu.

Á ellefta tímanum var tilkynnt um mann í annarlegu ástandi í Miðborginni. Hann var fluttur með sjúkrabifreið á slysadeild til aðhlynningar. Síðar um nóttina hafði lögreglan afskipti af honum vegna þess hversu slæmu vímuástandi hann var í. Hann var vistaður í fangageymslu.

Á áttunda tímanum var tilkynn um innbrot og þjófnað úr geymslu í fjölbýlishúsi í Kópavogi. Verðmætum var stolið.

Einn ökumaður var handtekinn í nótt grunaður um að vera undir áhrifum fíkniefna og ítrekaðan akstur sviptur ökuréttindum.