fbpx
Fimmtudagur 02.desember 2021
Fréttir

Íbúar í 104 Reykjavík verulega ósáttir: Skólalóð í niðurníðslu á kostnað gæluverkefna – „Gjörsamlega galið… til háborinnar skammar“

Máni Snær Þorláksson
Laugardaginn 16. október 2021 11:00

Vogaskóli - Mynd: Rósa

Ekki missa af Helstu tíðindum dagsins í pósthólfið þitt

Lesa nánar

Íbúakosningunni Hverfið mitt er lokið og hafa niðurstöður hennar verið kynntar fyrir íbúum í borginni en ekki eru þó öll sátt með niðurstöðurnar.

Sabine Leskopf, borgarfulltrúi Samfylkingarinnar, deildi niðurstöðum úr kosningunni fyrir Laugardalinn í Facebook-hópi íbúa í 104 Reykjavík í gær. „Skemmtileg verkefni valin í Laugardalnum, til hamingju!“ skrifaði Sabine í færslunni sem fékk dræm viðbrögð frá meðlimum hópsins.

„Olnbogabarn“ hverfisins fær ekki yfirhalningu

Reiði íbúa stafar helst af því að ekki var ákveðið að ráðast í endurbætur á skólalóð Vogaskóla, grunnskólans í hverfinu, þrátt fyrir að það hafi verið næstvinsælasta verkefnið í kosningunni. Skólalóðin virðist hafa setið á hakanum á meðan aðrar skólalóðir í borginni hafa fengið yfirhalningu.

„Í raun skammarlegt að Reykjavíkurborg skuli bjóða börnum í skólanum upp á jafn slaka aðstöðu og raun bera vitni. Börnin í Vogaskóla eiga skilið að leika við jafn góðar aðstæður og Reykjavíkurborg býður öðrum börnum upp á í öðrum skólum í Reykjavík,“ segir til að mynda í tillögunni.

Sá sem kom með tillöguna kemur með margar hugmyndir um hvernig megi bæta lóðina. Má þar helst nefna malbikaða fótboltavöllinn og malbikaða körfuboltavöllinn, lélegu lýsinguna á lóðinni og fleiri leiktæki, meðal annars fyrir fatlaða. „Gefum börnunum tækifæri á að leika við mannsæmandi aðstæður líkt og í öðrum skólum í Reykjavík. Þau eiga það skilið,“ segir svo í tillögunni.

„Þegar skólalóðir í hverfinu eða Reykjavík eru skoðaðar þá sést að Vogaskóli er algjört „Olnbogabarn“ í hverfinu. Krakkar úr skólanum skila sér verr í íþróttir í hverfinu þó að hvergi í Reykjavík sé betra úrval. Aðstaða í skóla skiptir gríðarlega miklu máli upp á hvata og áhuga þegar kemur að hreyfingu, útiveru og íþróttaiðkun. “

Upplýsingaskilti í stað endurbóta á skólalóðinni

Í staðinn fyrir að laga skólalóðina var ákveðið að ráðast í ýmis gæluverkefni. Má þar til dæmis nefna upplýsingaskilti, uppsetningu jólalands og betri grenndarstöðvar, en listann yfir verkefnin sem voru valin má sjá hér fyrir neðan.

  • Bætt lýsing á stígum í Laugardalnum
  • Jólaland í Laugardalnum
  • Ærslabelgur
  • Trjágróður við Sæbraut
  • Gróðurbætur við Sæbraut
  • Fleiri bekki í hverfið
  • Bætt lýsing við Laugarnesskóla
  • Sjósundsaðstaða á Laugarnestanga
  • Jólaljós á Skeiðarvog
  • Almenningsgarður með aðgengi fyrir alla
  • Aparóla
  • Endurbæta körfuboltavöll við Laugarnesskóla
  • Betri grenndarstöð á horni Kleppsvegar og Hjallavegar
  • Útgönguleið úr suð-austurenda Fjölskyldu- og Húsdýragarðs
  • Upplýsingaskilti um náttúru og skipulag Laugardals

Athygli vekur að eina verkefnið á þessum lista sem fékk meiri meðbyr á betrireykjavik.is en endurbæturnar á skólalóð Vogaskóla er sjósundsaðstaðan á Laugarnestanga. Endurbæturnar fengu til að mynda 215 hjörtu á vefnum á meðan upplýsingaskiltið sem var valið fékk einungis 30. Þá voru 40 manns sem skrifuðu röksemdir með endurbótunum á Vogaskóla en ekki ein manneskja skrifaði röksemdir með skiltinu.

„Til háborinnar skammar“

Ljóst er að íbúar hverfisins eru allt annað en sáttir með niðurstöðurnar og ausa þeir úr skálum reiði sinnar í athugasemdunum við færslu Sabine. „Alveg með ólíkindum. Þessi fáu leiktæki sem eru til staðar eru að brotna niður. Dóttir mín og vinkonur voru að róla þarna og rólurnar slitnuðu niður og ein fékk risa járnstykki í andlitið. Sem betur fer slasaðist hún ekki alvarlega. Ég sendi inn kvörtun með myndum af ástandinu og það kom eftirlitsmaður og hengdi upp aftur. Sagði mér svo að vonandi yrði lóðin tekin í gegn 2023,“ segir til að mynda eitt foreldri sem býr í hverfinu.

„Hvað er í gangi? Af hverju er hluti af Vogaskólalóðinni ekki tekin inn hér, líklega minnsta skólalóð höfuðborgarsvæðisins og með aðeins þremur leiktækjum (rólu, litlu klifurtæki og sparkhring). Grátlegt að sjá hana ekki á þessum lista,“ segir svo annar íbúi hverfisins.

Í enn annarri athugasemd hvetur foreldri í hverfinu til þess að borgarstjórn bregðist við áskorun sem nemendur Vogaskóla afhentu borgarstjóranum. „Gjörsamlega galið að framkvæmdir á skólalóð séu ákvarðaðar í vinsældarkosningu hverfis þar sem margir grunnskólar eru starfræktir og gefur auga leið að nemenda og aðstandendafjöldi ræður kjöri. Hvernig má þetta vera? Þetta er til háborinnar skammar í borginni og ég vona svo sannarlega að kjörnir fulltrúar í borgarstjórn sjái sóma sinn í að bregðast við áskorun nemenda Vogaskóla sem afhent var borgarstjóranum á dögunum.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 20 klukkutímum

Ekið á mann á hlaupahjóli

Ekið á mann á hlaupahjóli
Fréttir
Í gær

Sprengja fannst í ruslagámi í Mánatúni

Sprengja fannst í ruslagámi í Mánatúni
Fréttir
Fyrir 2 dögum

Læknirinn sem uppgötvaði Omicron afbrigðið segir einkennin „mjög mild“ og varar við upphlaupi embættismanna

Læknirinn sem uppgötvaði Omicron afbrigðið segir einkennin „mjög mild“ og varar við upphlaupi embættismanna
Fréttir
Fyrir 2 dögum

Skotárás á Egilsstöðum: Samtals 14 skotum hleypt af – Sagður hafa ætlað að drepa barnsföður kærustu sinnar – Skaut Toyota Hilux í spað

Skotárás á Egilsstöðum: Samtals 14 skotum hleypt af – Sagður hafa ætlað að drepa barnsföður kærustu sinnar – Skaut Toyota Hilux í spað