fbpx
Fimmtudagur 20.janúar 2022
Fréttir

Orðið á götunni: Vígaferli yfirvofandi í Samfylkingunni – Mun Skúli hefna systur sinnar?

Ritstjórn DV
Miðvikudaginn 6. október 2021 12:30

mynd/samsett DV

Ekki missa af Helstu tíðindum dagsins í pósthólfið þitt

Lesa nánar

Líkt og DV fjallaði um í vikunni er nú hvíslað á göngum ráðhússins í Reykjavík að Dagur B. Eggertsson borgarstjóri ætli ekki gefa kost á sér til endurkjörs næsta kjörtímabil. Er orðrómurinn sá að Dagur hyggist nota tækifærið nú og stimpla sig út úr borgarpólitíkinni á toppi ferils síns.

Sjá nánar: Dagur að kveldi kominn í borginni

Er nú um það rætt innan raða jafnaðarmanna í borginni hver muni taka við sem leiðtogi Samfylkingarinnar.  Heiða Björg Hilmisdóttir, borgarfulltrúi og varaformaður Samfylkingarinnar, er varaoddviti listans og má segja að hún eigi, sem metnaðarfullur stjórnmálamaður, visst tilkalls til oddvitasætisins, sérstaklega í ljósi varaformannsstöðunnar.

Þá herma heimildir Orðsins að Skúli Þór Helgason, sem skipaði síðast þriðja sæti á lista Samfylkingarinnar, hugsi sér líka gott til glóðarinnar við brotthvarf Dags B. Skúli hefur látið að sér kveða í borgarmálunum undanfarin ár og er nú formaður Skóla- og frístundaráðs borgarinnar sem mikið hefur mætt á á kjörtímabilinu.

Fastlega má gera ráð fyrir því að Helga Vala Helgadóttir, alþingismaður og systir Skúla, muni fylgjast grannt með yfirvofandi slag um oddvitasætið, en hún tapaði sjálf bardaga um varaformannsembættið við Heiðu Björg í nóvember í fyrra. Hlaut Heiða Björg um 60% atkvæða og Helga um 40%.

Stóra spurningin nú hlýtur því að vera: Mun Skúli hefna systur sinnar og sigra Heiðu Björg?

Sjá nánar: Helga Vala slær á létta strengi eftir tapið – „Núna erum við frjáls mamma“

Síðast þegar raðað var á lista flokksins fyrir borgarstjórnarkosningarnar 2018 var stuðst við svokallað flokksval. 14 voru í framboði og tóku 1.852 félagsmenn Samfylkingarinnar í Reykjavík þátt. Gátu kjósendur greitt átta til tíu frambjóðendum atkvæði. Niðurstaðan var bindandi fyrir efstu fimm sætin.

Sjálfstæðismenn studdust fyrir þær kosningar fyrir svokallað leiðtogaval, þar sem kosið var um oddvita og uppstillingarnefnd svo skipuð út frá niðurstöðum þeirrar kosningar sem sá um að stilla upp restinni.

Óvíst er hvaða leið Samfylkingin mun fara í þessum málum. Kosið verður í lok maí 2022, og má því búast við að uppstillingar fari á fullt strax á nýju ári.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Hörð orðaskipti Bubba og Þórarins – „Þú ert tapsár með eindæmum“ – „Vilt þú ekki halda þig við það sem þú kannt besservisser“

Hörð orðaskipti Bubba og Þórarins – „Þú ert tapsár með eindæmum“ – „Vilt þú ekki halda þig við það sem þú kannt besservisser“
Fréttir
Í gær

Svar hlýtur silfurvottun frá Microsoft

Svar hlýtur silfurvottun frá Microsoft