„Það er biluð þoka á Hellisheiði og í Kömbunum núna,“ segir ökumaður sem meðfylgjandi myndir laust fyrir klukkan 18 í dag. Gífurleg þoka er á svæðinu og er það raunar í samræmi við spá Veðurstofunnar, þar sem gert er ráð fyrir rigningu með köflum um landið suðvestanvert og þokumóðu þar í kvöld.
Ökumaðurinn sagði að sem betur fer væri lítil umferð þarna núna. Annar ökumaður sem átti leið um Hellisheiði á fimmta tímanum í dag segir hins vegar að þá hafi umferð verið mjög þung og mjög mikil þoka rétt eins og núna. „Við biðum bara og biðum, það var eins og öll þjóðin væri að fara úr bænum.“
Fleiri ökumenn hafa haft samband og vitnað um að útsýnið út um framrúður bíla þeirra hafi ekki náð lengra en að næstu vegastiku og stundum ekkert út af veginum.
Eins og flestir vita hefur öllum útihátíðum verið aflýst en fjölmargir leggja samt leið sína um landið og fara í útilegu.