Eftir því sem fram kemur í dagbók lögreglunnar á höfuðborgarsvæðinu þá rændu tveir menn apótek í Hlíðahverfi í gær. Málið er í rannsókn og enginn hefur verið handtekinn vegna þess. Einnig kemur fram að vopnað rán hafi verið framið í heimahúsi í vesturhluta borgarinnar og hafi ræninginn verið handtekinn á vettvangi og sé nú í fangageymslu.
Fimm ökumenn voru handteknir í gærkvöldi og nótt, grunaðir um að vera undir áhrifum áfengis og/eða fíkniefna. Þrír þeirra reyndust vera ökuréttindalausir og einn var með meint fíkniefni á sér og annar með vopn.
