Bjarni Jónsson, eigandi Nordic Store og fyrrverandi dósent, spyr hvað sé svona merkilegt við COVID-19. Bendir hann á að miklu fleiri deyi úr öðru en COVID. Þetta kemur fram í nýrri grein Bjarna á Vísir.is.
Bjarni skrifar:
„Fjöldi greindra með Covid hefur aukist með auknum skimunum, en dauðsföll eru svo fá í Evrópu að í venjulegu ári hefði enginn tekið eftir þeim. Til dæmis eru skráð dauðsföll á dag á Spáni í seinni bylgjunni aðeins um 5-10% af því sem þau voru í fyrri bylgjunni, jafnvel þó seinni bylgjan sé meira en tvöfalt stærri í smitum talið.
Auðvitað er alltaf sorglegt þegar fólk deyr, og sorglegast er að vita af börnum deyja. Við, góða fólkið, megum þó ekki missa sjónar af heildarmyndinni.“
Bjarni segir að COVID trompi alla aðra sjúkdóma í fjölmiðlaumfjöllun auk þess sem aðgerðir gegn sjúkdómnum valdi því að fólk missi persónu-, ferða- og atvinnufrelsi; efnahagur þjóðfélaga og heimila hrynji, fyrirtæki fari í þrot, og atvinnuleysi og fátækt stóraukist.
En miklu fleiri deyi af öðrum orsökum en COVID. Segir Bjarni að hungur sé orsakavaldur 19% dauðsfalla í heiminum það sem af er ári samkvæmd worldometers.info. Reykingar hafi valdið 8,5% dauðsfalla, alnæmi 2,8% en jafnmargir hafi látist úr COVID-19 og í umferðarslysum, eða 2,3%