Í gær greindist erlendur ferðamaður með staðfest smit af COVID-19. Hann átti leið um norðurland með fjölskyldu sinni. Hann er nú í einangrun á Akureyri og fjölskylda hans er í sóttkví. Á þessari stundu hefur lögregla ekki frekari upplýsingar um ferðir mannsins.
Þetta kemur fram í tilkynningu frá lögreglunni á Norðurlandi Eystra.
Lögregla ítrekar fyrir fólki að halda uppi virkum smitvörnum, þvo og spritta hendur, halda 2 metra fjarlægð og forðast mannmergð.