fbpx
Laugardagur 15.maí 2021
Fréttir

Tómasarlundur gróðursettur til heiðurs bassaleikara Íslands

Ágúst Borgþór Sverrisson
Laugardaginn 23. maí 2020 09:15

Tómas Magnús Tómasson. Mynd: Hringbraut

Ekki missa af Helstu tíðindum dagsins í pósthólfið þitt

Lesa nánar

Hinn ástsæli tónlistarmaður og einstaki bassaleikari, Tómas M. Tómasson, lést snemma árs 2018, langt fyrir aldur fram, eftir stutt en erfið veikindi. Tómas var kunnastur fyrir framgöngu sína með Stuðmönnum en hann var í framvarðasveit íslenskra dægurlagasveita allt frá því snemma á áttunda áratug síðustu aldar.

Vinir og velunnarar Tómasar gróðursetja nú Tómasarlund til heiðurs tónlistarmanninu ástsæla. „Vinir og velunnarar Tómasar hafa sameinast um verkefnið „Tómasarlund um land allt!“ Það felur í sér að rækta skóg og lund sína í senn. Fyrstu rætur alls þessa verða í jörð settar í dag, nálægt rótum Tómasar sjálfs, í Svarfaðardal við Eyjafjörð,“ segir í fréttatilkynningu frá félaga Tómasar, Jakobi Magnússyni.

Tómas hefði orðið 66 ára í dag og á þessum afmælisdegi hans verður fyrsti Tómasarlundurinn gróðursettur, í Svarfaðardal í Eyjafirði. Jakob segir ennfremur:

„Á næstunni mun fólk taka að rækta  Tómasarlund um land allt – láta skógrækt samtvinnast geðrækt í öllum landshornum, í samvinnu Græna hersins, Skógræktarfélags Íslands, skógræktarfélaga landsfjórðunganna, Upplifðu Ísland-hópsins og ótalinna vina og velunnara Tómasar M. Tómassonar, um leið og við minnumst einstaks lundarfars hans og geðprýði. Hvert jarðsett tré verði okkur hvatning til að gerast betri:

Betri þegnar, betri hvert við annað, betri við landið okkar og betri í því sem við tökum okkur fyrir hendur – og það með glöðu geði.

Frá og með deginum í dag tökum við höndum saman um að rækta Tómasaralund um land allt í minningu hins einstaka öðlings og fjölhæfa merkismanns sem Tómas Magnús Tómasson var. Hann hefði orðið 66 ára í dag.“

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Fréttir
Fyrir 2 klukkutímum
Nammistríðið heldur áfram

Mest lesið

Nýlegt

Fréttir
Í gær

Segir starfsfólk hafa grátið undan frekum íslenskum ferðamönnum

Segir starfsfólk hafa grátið undan frekum íslenskum ferðamönnum
Fréttir
Í gær

Læknir gagnrýnir Morgunblaðið fyrir að birta hræðsluáróður gegn bólusetningum

Læknir gagnrýnir Morgunblaðið fyrir að birta hræðsluáróður gegn bólusetningum
Fréttir
Fyrir 2 dögum

Ásakanir um alvarlegt ofbeldi á Kleppi

Ásakanir um alvarlegt ofbeldi á Kleppi
Fréttir
Fyrir 2 dögum

Íslensk kona sem tveir menn nauðguðu hefur beðið í meira en fjögur ár eftir að málinu ljúki

Íslensk kona sem tveir menn nauðguðu hefur beðið í meira en fjögur ár eftir að málinu ljúki
Fréttir
Fyrir 3 dögum
Þrjú smit í gær
Fréttir
Fyrir 3 dögum

Mikil hætta á gróðureldum á höfuðborgarsvæðinu

Mikil hætta á gróðureldum á höfuðborgarsvæðinu
Fréttir
Fyrir 3 dögum

Lögmaður telur ólíklegt að OnlyFans-stjörnur verði sóttar til saka fyrir klám – „Væri spennandi fyrir lögmenn að takast á við þetta“

Lögmaður telur ólíklegt að OnlyFans-stjörnur verði sóttar til saka fyrir klám – „Væri spennandi fyrir lögmenn að takast á við þetta“