fbpx
Mánudagur 10.ágúst 2020
Fréttir

Flugfreyjur hafna lokatilboði Icelandair – „Því miður verður ekki lengra komist“

Auður Ösp
Miðvikudaginn 20. maí 2020 14:42

Ekki missa af Helstu tíðindum dagsins í pósthólfið þitt

Lesa nánar

Icelandair lagði í fyrradag fram nýtt tilboð að kjarasamningi til Flugfreyjufélags Íslands (FFÍ). Til stóð að funda hjá Ríkissáttasemjara seinnipartinn í gær en að ósk samninganefndar FFÍ var fundi frestað til hálf níu í morgun. Eftir að FFÍ lagði fram tillögur sem ræddar voru í morgun ítrekaði Icelandair lokatilboð sitt sem tók mið af þeirri umræðu sem fór fram, að því marki sem félagið treysti sér til. Í kjölfarið hafnaði samninganefnd FFÍ tilboði Icelandair.

Að mati Icelandair eru tillögur FFÍ þess eðlis að samningurinn fari í kjölfarið langt frá þeim markmiðum sem sett voru í kjaraviðræðum félagsins við stéttarfélög flugstétta, en Icelandair hefur þegar gert langtímasamninga við Félag íslenskra atvinnuflugmanna (FÍA) og Flugvirkjafélag Íslands (FVFÍ). Þeir samningar kveða í meginatriðum á um sveigjanleika og viðbót við vinnuskyldu og styðja þar með við markmið Icelandair Group um að auka samkeppnishæfni félagsins á alþjóðamarkaði en á sama tíma verja ráðstöfunartekjur starfsfólks og tryggja því gott starfsumhverfi.

Tilboðið sem samninganefnd FFÍ hafnaði innihélt eftirgjafir frá fyrra tilboði Icelandair sem áttu að koma til móts við þau sjónarmið félagsmanna sem upp komu eftir síðasta tilboð Icelandair. Tilboðið fól meðal annars í sér hækkun allra grunnlauna, með sérstakri áherslu á lægstu laun, val um starfshlutfall, að flugstundahámörk innan mánaðar væru færð niður, auk þess sem skorður voru settar um hámarksfjölda lausráðinna flugfreyja og flugþjóna.

Viðræður við FFÍ hafa staðið yfir um nokkurra vikna skeið. Áður höfðu samninganefndir Icelandair og FFÍ átt í viðræðum í um 16 mánuði án þess að niðurstaða fengist í kjaramál flugfreyja og flugþjóna. Að öllu óbreyttu verður ekki lengra komist í viðræðum við FFÍ.

Bogi Nils Bogason, forstjóri Icelandair segir: „Það eru mikil vonbrigði að Flugfreyjufélag Íslands hafi hafnað tilboði okkar. Þetta var okkar lokatilboð og byggir það á sama grunni og þeir samningar sem gerðir hafa verið við stéttarfélög flugmanna og flugvirkja. Í tilboðinu eru fólgnar grunnlaunahækkanir, aukinn sveigjanleiki varðandi vinnutíma en á sama tíma tryggir það samkeppnishæfni og sveigjanleika Icelandair. Því miður verður ekki lengra komist í viðræðum við Flugfreyjufélag Íslands og þurfum við nú að skoða aðrar leiðir. Við ætlum okkur að koma félaginu í gegnum þær krefjandi aðstæður sem nú ríkja og styrkja rekstur þess til framtíðar.”

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Í vikunni

Fréttir
Í gær

Segir nauðsynlegt að læra að lifa með COVID – „Gætum alveg eins ákveðið að hætta meðhöndla alla sem fá krabbamein“

Segir nauðsynlegt að læra að lifa með COVID – „Gætum alveg eins ákveðið að hætta meðhöndla alla sem fá krabbamein“
Fréttir
Í gær

Handtekinn með hátalarabox á hjóli – Barði rúður á veitingastað og grunaður um hótanir

Handtekinn með hátalarabox á hjóli – Barði rúður á veitingastað og grunaður um hótanir
Fréttir
Fyrir 2 dögum

Sólþyrstir Íslendingar flykkjast enn til sólarlanda

Sólþyrstir Íslendingar flykkjast enn til sólarlanda
Fréttir
Fyrir 2 dögum

Líklegt að samkomutakmarkanir verði hertar

Líklegt að samkomutakmarkanir verði hertar
Fréttir
Fyrir 2 dögum

Íslandsmeistaramóti í hrútadómum aflýst – Hrútaþuklið bíður betri tíma

Íslandsmeistaramóti í hrútadómum aflýst – Hrútaþuklið bíður betri tíma
Fréttir
Fyrir 2 dögum

Virk smit kominn yfir hundrað – 17 greindust á síðasta sólarhring

Virk smit kominn yfir hundrað – 17 greindust á síðasta sólarhring