fbpx
Fimmtudagur 04.júní 2020
Fréttir

Þetta var það sem olli kanínudauðanum í Elliðaárdal

Ágúst Borgþór Sverrisson
Fimmtudaginn 26. mars 2020 09:02

Ekki missa af Helstu tíðindum dagsins í pósthólfið þitt

Lesa nánar

Orsök veikinda og dauða mikils fjölda kanína í Elliðaárdalnum er að öllum líkindum sjúkdómurinn smitandi lifrardrep. Þetta sýna bráðabirgðaniðurstöður rannsókna á kanínuhræjum sem Matvælastofnun sendi til greiningar á Tilraunastöð Háskóla Íslands að Keldum. Þetta er í fyrsta sinn sem þessi sjúkdómur greinist í kanínum utan kanínubúa eða heimila á Íslandi.

Þetta kemur fram í tilkynningu frá Matvælastofnun.

Kanínueigendur skulu gæta þess að smit berist ekki í kanínur þeirra með því að kynna sér eðli sjúkdómsins og hvað hægt er að gera til að verjast smiti. Veiran sem veldur sjúkdómnum sýkir ekki önnur dýr eða fólk.

Lifrardrep í kanínum er bráðsmitandi og banvænn sjúkdómu, sem á ensku nefnist á ensku Rabbit Haemorrhagic Disease. Sjúkdómnum veldur ákveðin tegund calici veira. Þrjár gerðir veirunnar eru þekktar, RHDV1, RHDV1a og RHDV2. Ekki er vitað um hvaða gerð er að ræða hér en sýni hafa verið send til rannsókna erlendis og er niðurstöðu þeirra að vænta í næstu viku.

Sjúkdómurinn leggst á kanínur á öllum aldri en RHDV1 gerðir veirunnar geta valdið vægri, einkennalausri sýkingu í innan við 6-8 vikna gömlum dýrum, RHDV2 veldur aftur á móti sjúkdómi og dauða í allt frá 15 daga gömlum ungum. Meðgöngutími sýkingarinnar er 1-5 dagar. Ef sjúkdómseinkenni sjást er um að ræða m.a. hita, lystarleysi, deyfð, taugaeinkenni (t.d. krampar eða lömun), kvein og öndunarfæraeinkenni (t.d. andnauð og froðukennd eða blóðug útferð úr nösum). Dýrið drepst oftast eftir 12-36 tíma eftir að einkenni koma fram.

Hvernig eiga kanínueigendur að forðast sjúkdóminn?

Kanínueigendum er ráðlagt að forðast að fara á þekkt kanínusvæði þar sem sjúkdómurinn hefur geisað. Ef það hefur verið gert skal þvo fatnað á meira en 50 gráðum í meira en klukkustund. Notið vikon eða klór (1:10) til að sótthreinsa þá fleti sem geta borið smit.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Fyrir 23 klukkutímum

Viðurkenndi sölu á hlaupböngsum sem innihéldu fíkniefni

Viðurkenndi sölu á hlaupböngsum sem innihéldu fíkniefni
Fréttir
Fyrir 23 klukkutímum

Látinn maður tapar meiðyrðamáli – Var sakaður um kynferðisbrot í sambandi

Látinn maður tapar meiðyrðamáli – Var sakaður um kynferðisbrot í sambandi
Fréttir
Fyrir 2 dögum

Lögreglan svarar Gísla – Sekta ekki ökumenn á göngugötu

Lögreglan svarar Gísla – Sekta ekki ökumenn á göngugötu
Fréttir
Fyrir 2 dögum

Alvarlegt brot RÚV á lögum – Þættir um ofbeldi, kynlíf og eiturlyf aðgengilegir börnum

Alvarlegt brot RÚV á lögum – Þættir um ofbeldi, kynlíf og eiturlyf aðgengilegir börnum