fbpx
Föstudagur 10.apríl 2020
Fréttir

Framkvæmdastjóri Iceware: Vanhugsað að loka Laugaveginum enda á milli – „Neikvæð áhrif á alla“

Ritstjórn DV
Fimmtudaginn 27. febrúar 2020 13:00

Ekki missa af Helstu tíðindum dagsins í pósthólfið þitt

Lesa nánar

„Þessi áform þarf að endurskoða strax áður en frekari skaði er skeður,“ segir Aðalsteinn I. Pálsson, framkvæmdastjóri Iceware/Drífu, í aðsendri grein í Morgunblaðinu í dag.

Þar skrifar Aðalsteinn um skipulagsmálin við verslunargötur í miðborginni og óskar hann eftir samtali við Dag B. Eggertsson borgarstjóra vegna þeirra. Aðalsteinn hefur talsverðar áhyggjur af áformum um að verslunargötur, Laugavegur og Skólavörðustígur sem dæmi, verðir göngugötur allt árið um kring. Icewear/Drífa ehf. rekur fimmtán verslanir undir nöfnum Icewear Magasín, Icewear og Icemart, en átta af þeim staðsettar í miðborginni.

Taki mið af hagsmunum allra

„Skipulag við skilgreindar verslunargötur verður að taka mið af hagsmunum allra hagsmunaaðila, þ.e. rekstraraðila, viðskiptavina og íbúa. Bæði íbúa á svæðinu sjálfu sem og þeirra sem búa lengra frá en vilja sækja miðborgina. Gott aðgengi viðskiptavina er lykilatriði svo verslun megi blómstra og fjölbreytt framboð eykur aðsókn í ákveðin svæði,“ segir Aðalsteinn.

Hann segir að miðborg Reykjavíkur sé ekki beinlínis eins og miðborgir í öðrum löndum sem við berum okkur gjarnan saman við. Síbreytilegt veðurfar og þær fáu samgönguleiðir sem bjóðast séu frábrugðnar því sem gengur og gerist erlendis.

„Þetta eru þættir sem mikilvægt er að taka tillit til þegar framtíðarskipulag aðalverslunargötu miðborgarinnar okkar er unnið. Áform borgarstjórnar um að skerða aðgengi fólks og fækka bílastæðum við Laugaveg, Skólavörðustíg og Hlemm og gera um leið sömu götur að göngugötum árið um kring munu koma til með að hafa mjög alvarlegar afleiðingar fyrir rekstur verslana á þessu svæði. Áform um að loka Laugaveginum enda á milli eru líka mjög vanhugsuð. Þessi skerðing á aðgengi og fækkun bílastæða hefur í raun neikvæð áhrif á alla hagsmunaaðila á svæðinu, t.a.m. hótelgesti, viðskiptavini verslunar og þjónustu og síðast en ekki síst íbúa á svæðinu,“ segir hann.

Ekki á móti öllum lokunum

Aðalsteinn tekur fram að hann sé ekki á móti öllum götulokunum, þvert á móti hafi hann góða reynslu af lokunum þar sem þær eiga við, til dæmis neðsta hluta Laugavegar, Skólavörðustígs og í Bankastræti þegar heimsóknir ferðamanna ná hámarki yfir sumartímann.

„Þá daga iðar miðborgin af mannlífi sem aldrei fyrr og skemmtileg stemning myndast við þennan stutta kafla. Við sem stundum miðborgina þekkjum líka þá staðreynd að þessar sömu götur eru ekki iðandi af mannlífi yfir kalda vetrarmánuðina. Þá er nauðsynlegt að göturnar séu opnar fyrir umferð til að ýta undir frekara mannlíf. Þetta eru mikilvægir þættir sem hafa ber í huga þegar við í sameiningu höldum áfram að skipuleggja og þróa miðborgina okkar í rétta átt.“

Af þessum ástæðum kveðst Aðalsteinn óska eftir samtali við borgarstjóra „með það markmið að koma fram mikilvægum sjónarmiðum þeirra sem vilja efla verslun í miðborginni til framtíðar.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Í gær

Eiginkona „steypubílstjórans“ á leið í meðferð – „Við þurfum bæði að byggja okkur upp“

Eiginkona „steypubílstjórans“ á leið í meðferð – „Við þurfum bæði að byggja okkur upp“
Fréttir
Í gær

Faraldurinn er á niðurleið – „Getum glaðst yfir þeirri stöðu sem við erum í“

Faraldurinn er á niðurleið – „Getum glaðst yfir þeirri stöðu sem við erum í“
Fréttir
Í gær

Grunaður innbrotsþjófur handtekinn – Farþegi í strætisvagni slasaðist

Grunaður innbrotsþjófur handtekinn – Farþegi í strætisvagni slasaðist
Fréttir
Í gær

Sparkaði í bifreiðar í miðborginni – Átti að vera í sóttkví og því kærður fyrir brot á sóttvarnarlögum

Sparkaði í bifreiðar í miðborginni – Átti að vera í sóttkví og því kærður fyrir brot á sóttvarnarlögum
Fréttir
Fyrir 2 dögum

Íhuga að loka álverinu í Straumsvík í tvö ár – Telja Landsvirkjun hafa stundað vörusvik

Íhuga að loka álverinu í Straumsvík í tvö ár – Telja Landsvirkjun hafa stundað vörusvik
Fréttir
Fyrir 2 dögum

Úrskurðaður í gæsluvarðhald vegna gruns um manndráp

Úrskurðaður í gæsluvarðhald vegna gruns um manndráp
Fréttir
Fyrir 3 dögum

Faraldursfræðingur segir Íslendinga enn vera á rangri leið og spálíkönin röng

Faraldursfræðingur segir Íslendinga enn vera á rangri leið og spálíkönin röng
Fréttir
Fyrir 3 dögum

Óvíst með möguleika á heimkomu eftir páska

Óvíst með möguleika á heimkomu eftir páska