fbpx
Þriðjudagur 24.nóvember 2020
Fréttir

Brottrekni lektorinn tapar enn – „Konur reyna alltaf að troða sér þar sem karlmenn vinna“

Ágúst Borgþór Sverrisson
Föstudaginn 30. október 2020 18:17

Ekki missa af Helstu tíðindum dagsins í pósthólfið þitt

Lesa nánar

Haustið 2018 lét Kristinn Sigurjónsson, þáverandi lektor við Háskólann í Reykjavík (HR), þessi orð falla í spjallhópi á Facebook:

„Ég er svo hjartanlega sammála, það á að aðgreina vinnustaði karla og kvenna. Vandinn er bara að konur reyna alltaf að troða sér þar sem karlmenn vinna, og um leið og þær eru komnar inn, þá byrja þær að eyðileggja hann, því allir kalmennirnir eiga þá að fara að tala, hugsa og hegða sér eins og kerlingar, allt annað er áreiti og ef sagður en neðanbeltisbrandari, svo ég nefni ekki klámbrandari, þá er það kynferðisofbeldi.“

DV greindi frá ummælunum í frétt og nokkru síðar var Kristinn rekinn frá skólanum.

Kristinn stefndi HR fyrir héraðsdóm þar sem hann krafðist þess að uppsögnin yrði dæmd ólögmæt og honum yrðu dæmdar skaðabætur. Héraðsdómur féllst ekki á að uppsögnin hefði verið ólögmæt og studdist þar við þá breytingu sem varð við sameiningu Tækniháskóla Íslands og Háskólans í Reykjavík, að þá giltu ekki lög um réttindi og skyldur opinberra starfsmanna við skólana tvo heldur almenn löggjöf á sviði vinnuréttar.

Kristinn áfrýjaði málinu til Landsréttar. Í niðurstöðu Landsréttar segir:

„Ágreiningslaust er að stefndi ákvað að segja áfrýjanda upp störfum vegna tiltekinna ummæla sem hann lét falla á samfélagsmiðli. Sú ákvörðun fór í engu gegn heimildum stefnda samkvæmt ráðningarsamningi og kjarasamningi og takmörkun á þeim verður heldur ekki leidd af stjórnarskrárvörðum rétti áfrýjanda til tjáningarfrelsis. Vegna fjölmiðlaumfjöllunar um málið gaf rektor stefnda frá sér yfirlýsingu sem birt var opinberlega 12. október 2018. Kom þar fram að stjórnendur stefnda myndu ekki tjá sig um starfslok áfrýjanda auk þess sem gildi háskólans voru áréttuð. Efni yfirlýsingarinnar fól ekki í sér ólögmæta meingerð gegn æru eða persónu áfrýjanda.“
Niðurstaða Landsréttar var að dómur héraðsdóms skyldi standa óraskaður. Málskostnaður fyrir Landsrétti var fellur niður.
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 21 klukkutímum
Stúlkan er fundin
Fréttir
Í gær

„Þessi bylgja sem við höfum verið að eiga við undanfarið er komin vel niður“

„Þessi bylgja sem við höfum verið að eiga við undanfarið er komin vel niður“
Fréttir
Í gær

Maður sem flytur inn flugelda sakaður um ítrekað ónæði – „Þú ert ófær um að taka tillit til bæði manna og málleysingja“

Maður sem flytur inn flugelda sakaður um ítrekað ónæði – „Þú ert ófær um að taka tillit til bæði manna og málleysingja“
Í gær

Fugl í búri – „Ó, aumingja Svarthöfði. Mikið er hans böl“

Fugl í búri – „Ó, aumingja Svarthöfði. Mikið er hans böl“
Fréttir
Fyrir 2 dögum

Goðsagnirnar ósammála – „Ekki misskilja mig“

Goðsagnirnar ósammála – „Ekki misskilja mig“
Fréttir
Fyrir 2 dögum
Fimm smit í gær