fbpx
Mánudagur 23.nóvember 2020
Fréttir

Kókaður og drukkinn ökumaður reyndi að klína sökinni á annan

Heimir Hannesson
Miðvikudaginn 28. október 2020 18:45

Héraðsdómur Reykjaness.

Ekki missa af Helstu tíðindum dagsins í pósthólfið þitt

Lesa nánar

Héraðsdómur Reykjaness dæmdi í dag mann fyrir ölvunarakstur, akstur undir áhrifum fíkniefna, akstur án ökuréttinda og rangar sakargiftir. Hlaut maðurinn fyrir brot sín tveggja mánaða fangelsi, skilorðsbundið til tveggja ára. Þá var hann sviptur ökuréttindum í fimm ár og skal greiða kostnað sem af málinu hlaust, 88.812 krónur.

Maðurinn var stöðvaður þann 7. janúar þessa árs af lögreglu er hann ók bifreið um Reykjavíkurveg í Hafnarfirði, við gatnamótin að Flatahrauni. Mun lögregla hafa orðið þess áskynja að maðurinn væri ekki fær um að stjórna bifreið og reyndist maðurinn ölvaður og undir áhrifum kókaíns. Mældist vínandamagnið í blóði hans 1,25 prómill. Kom þá í ljós að hann hafði áður gerst sekur um akstur undir áhrifum áfengis og var þá sviptur ökuréttindum sem hann hafði ekki öðlast að nýju er hann var stöðvaður.

Er lögregla hafði afskipti af manninum mun hann enn fremur hafa sagt ranglega frá nafni og kennitölu og þannig leitast við að koma sök á annan mann. Maðurinn er því sakfelldur fyrir ölvunarakstur, akstur án ökuréttinda, fíkniefnaakstur og rangar sakargiftar.

Maðurinn játaði sök sína skýlaust og krafðist þess að hann yrði látinn sæta vægustu refsinga sem lög leyfðu og að hún yrði skilorðsbundin. Maðurinn hafði áður gerst sekur um ölvunarakstur og var það metið manninum til refsiauka. Niðurstaðan var sú er fyrr sagði, tveggja mánaða fangelsi skilorðsbundið til tveggja ára.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 2 dögum

Fimmtán innanlandssmit í gær

Fimmtán innanlandssmit í gær
Fréttir
Fyrir 2 dögum

Félagsráðgjafi segir venjulega krakka vera að ströggla – „Það spyr enginn, hvernig líður þér?“

Félagsráðgjafi segir venjulega krakka vera að ströggla – „Það spyr enginn, hvernig líður þér?“