Talið er að einn maður hafi grafist undir snjóflóðinu sem féll í hlíðum Esjunnar rétt fyrir klukkan eitt í dag. Annar maður lenti í flóðinu en grófst ekki undir. Davíð Már Bjarnason, upplýsingafulltrúi Landsbjargar, segir við RÚV að leitarhundar séu komnir á staðinn og þyrla Landhelgisgæslunnar.

Ekki náðist í Davíð við vinnslu þessarar fréttar.

Mikill viðbúnaður er vegna flóðsins sem féll í Móskarðshnjúkum í hádeginu og voru allar björgunarsveitir á höfuðborgarsvæðinu kallaðar út.