Sjö starfsmenn á sama vinnustað á Akranesi greindust með COVID-19 í dag. Alls voru það átta sem greindust í bæjarfélaginu, en áttundi aðilinn tengist umræddum hóp. Frá þessu greinir Fréttablaðið, Fram kemur að Kamilla Jósefs­dóttir, sérfræðingur í sótt­vörnum hjá Land­­­lækni og staðgengill sóttvarnarlæknis staðfesti þetta.

„Það er verið að fara mjög vand­lega ofan í saumana á ferðum allra þessa ein­stak­linga síðustu tvær vikur. Til þess að freista þess að finna sam­eigin­lega fleti milli þessa ein­stak­lings sem var ekki með neina ferða­sögu og svo þessa hóps þar sem það voru ein­hverjir með ferða­sögu. Við göngum út frá því að þeir [sem voru með ferðasögu] hafi smitast hér innan­lands líka þrátt fyrir að vera ný­komnir er­lendis frá,“

Í frétt Fréttablaðsins kemur fram að ekki sé hægt að full­yrða að smitin séu bundin bara við Akra­nes.