Í dag greindi Matvælastofnun frá því að óskað hefði verið eftir rannsókn lögreglu vegna meintri ólögmætri dreifingu á heimaslátruðu sauðfé. Umrædd sala á að hafa átt sér stað á Norðurlandi síðastliðinn vetur.

Um er að ræða sölu sem fram fór á Samfélagsmiðli, en í tilkynningu Matvælastofnunar um málið segir:

„Tveir einstaklingar búsettir þar buðu lambakjöt til sölu á samfélagsmiðli. Grunur leikur á að kjötið komi úr heimaslátruðu sauðfé.“

Þá kemur einnig fram að samkvæmt lögum um slátrun og sláturafurðir má einungis dreifa og selja kjöt sem hefur verið slátrað í löggiltu sláturhúsi og heilbrigðisskoðað af dýralækni á vegum Matvælastofnunar.

„Meint brot felst í því að taka til slátrunar sauðfé utan sláturhúss og setja á markað afurðirnar af því fé án þess að það hafi verið heilbrigðisskoðað í samræmi við gildandi löggjöf. Einungis má nýta afurðir af heimaslátruðu fé til einkaneyslu.“