Lilja Alfreðsdóttir, mennta- og menningarmálaráðherra, fór gegn tillögu sérfræðinga í ráðuneytinu þegar hún skipaði Einar Huga Bjarnason sem formann fjölmiðlanefndar á síðasta ári. RUV greinir frá þessu.
Samkvæmt RUV var í minnisblaði til Lilju mælt með því að skipa Halldóru Þorsteinsdóttur sem formann nefndarinnar en Halldóra er lektor í lögfræði við Háskólann í Reykjavík og einn helsti sérfræðingur landsins í fjölmiðlarétti. Þess í stað valdi Lilja Einar Huga sem hefur litla sem enga reynslu á sviði fjölmiðlaréttar. Í fjölmiðlalögum er krafist reynslu á því sviði, auk þess sem Lilju ber samkæmt jafnréttislögum að rétta kynjahalla í nefndum. Halldóra var áður varaformaður fjölmiðlanefndar og hafði henni verið tilkynnt um fyrirhugaðan skipan hennar sem formanns. Þetta dró Lilja síðan til baka og skipaði Einar Huga formann.
