Maðurinn sem fróaði sér fyrir framan nemendur í kennslustofu í Háskóla Íslands gengur laus. Vísir greinir frá því að búið sé að taka skýrslu af manninum og hann hafi verið látinn laus að því loknu.
Vísir hefur eftir Bylgju Hrönn Baldursdóttir, lögreglufulltrúa hjá kynferðisafbrotadeild lögreglunnar á höfuðborgarsvæðinu, að maðurinn hafi ekki verið í annarlegu ástandi. „Sumir eru bara á slæmum stað í lífinu,“ segir Bylgja.
Maðurinn er samkvæmt henni ríflega þrítugur. DV ræddi við móðir eins nemanda sem varð vitni að atvikinu. Hún lýsti því svo:
„Það voru margir sem urðu fyrir árás, hann fór út um allt. Meðal annars þá rúnkaði hann sér fyrir framan hóp af stelpum og hann réðst á kennara og káfaði á henni. Hann faldi sig þarna út um allt þannig hann greinilega þekkti húsnæðið út og inn en það kannaðist enginn við hann.“