Föstudagur 21.febrúar 2020
Fréttir

Dorrit viðurkennir tengsl við Epstein – Nafn hennar í svörtu bók níðingsins

Hjálmar Friðriksson og Jón Þór Stefánsson
Fimmtudaginn 22. ágúst 2019 11:11

Ekki missa af Helstu tíðindum dagsins í pósthólfið þitt

Lesa nánar

Margt bendir til þess að Dorrit Moussaieff, eiginkona Ólafs Ragnars Grímssonar og fyrrverandi forsetafrú, sé sú „Dorrit“ sem finna má í hinni alræmdu svörtu bók Jeffrey Epstein. Í svari við fyrirspurn DV segist Dorrit eiga marga sameiginlega vini með Epstein og hafa verið nágranni hans um tíma.

„Jeffrey Epstein bjó í sömu götu og ég í London einhvertímann á milli 1978 og 1983. Við áttum marga sameiginlega kunningja. Það er möguleiki á því að á einhverjum tímapunkti hafi hann verið með símanúmerið mitt,“ segir Doritt í svari við fyrirspurn DV um hvort hún kunni að vera í símaskránni alræmdu.

Símaskráin hefur birst opinberlega og má sjá hér. Öll símanúmer hafa þó verið afmáð en í henni má finna nöfn heimþekkts fólks, svo sem Donald Trump, Bill Clinton, Tony Blair og Bill Cosby, svo einungis nokkrir séu nefndir.

Fyrr í vikunni greindi DV frá því að Daily Mail hefði birt mynd af Ólafi Ragnari Grímssyni, fyrrverandi forseta Íslands, og Dorrit Moussaieff, með vinkonu, fyrrverandi kærustu og nánasta samstarfsmanni Jeffrey Epstein, Ghislaine Maxwell.

Hún er sögð vera í felum núna og er grunuð um hlutdeild í saknæmu atferli Epsteins en hann var ákærður fyrir víðtæka kynferðislega misnotkun og mansal á börnum. Epstein er sjálfur sagður hafa svipt sig lífi í fangaklefa sínum á Manhattan undir mjög grunsamlegum kringumstæðum.

Epstein átti 45 ára fangelsi yfir höfði sér vegna mansals og barnaníðs sem hann var sakaður um eftir aldamót. Málið hefur vakið mikla athygli um heim allan ekki síst fyrir þær sakir að hann átti valdamikla vini svo sem Donald Trump, Bill Clinton og Andrew Bretaprins.

UPPFÆRT

Dorrit sagði í frekari samskiptum við blaðamann að hún hafi ekki orðið vitni að neinu óvenjulegu í hegðun Epstein. „Það var ekkert furðulegt við hann.“

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Fyrir 10 klukkutímum

Ríkislögmaður heldur nöfnum tveggja vitna í máli Guðjóns Skarphéðinssonar leyndum

Ríkislögmaður heldur nöfnum tveggja vitna í máli Guðjóns Skarphéðinssonar leyndum
Fréttir
Fyrir 20 klukkutímum

Stunguárás á Kvíabryggju – Heimildarmaður DV segir árásina hrottalega

Stunguárás á Kvíabryggju – Heimildarmaður DV segir árásina hrottalega
Fréttir
Í gær

Kínverjar færðu Melrakkasetrinu stóra peningagjöf – Enginn vill skipta peningunum

Kínverjar færðu Melrakkasetrinu stóra peningagjöf – Enginn vill skipta peningunum
Fréttir
Í gær

Umferðarslys á Kjalarnesi

Umferðarslys á Kjalarnesi